દારૂની બાતમી કેમ આપે છેઃ પાડોશી પર બે ભાઈએ છરી હુલાવી કાન કાપી નાખ્યો

ઈજાગ્રસ્ત યુવકે હુમલાખોરની માતા અને બહેનની છેડતી કરી હોવાનો આરોપઃ કૃષ્ણનગર પોલીસે સામસામે ફરિયાદ નોંધી

અમદાવાદ, સોમવાર

શહેરના સૈજપુર બોઘા વિસ્તારમાં મોડી રાતે પાડોશીઓ બાખડ્યા હોવાની ચોંકાવનારી ઘટના સામે આવી છે. બે ભાઇઓએ પાડોશમાં રહેતા યુવક પર દારૂની બાતમી આપી હોવાની શંકા રાખીને છરીના ઘા ઝીંકીને કાન કાપી નાખ્યો હતો જ્યારે ઇજાગ્રસ્ત યુવકે હુમલો કરનારની બહેન અને માતાની છેડતી કરી હોવાની ક્રોસ ફરિયાદ નોંધાઇ છે. બંનેની ફરિયાદના આધારે કૃષ્ણનગર પોલીસે ગુનો દાખલ કરીને હુમલાની ખરી હકીકત શોધવા માટે ચક્રો ગતિમાન કર્યાં છે.