સ્વચ્છ અમદાવાદઃ માત્ર સાડા સાત મહિનામાં AMCએ રૂ. ચાર કરોડથી વધુનો દંડ વસૂલ્યો

તંત્ર દ્વારા એક અઠવાડિયામાં ૨૨૫ કિલોથી પણ વધુ પ્રતિબંધિત પ્લાસ્ટિકનો જથ્થો જપ્ત કરાયો

અમદાવાદ, બુધવાર

મ્યુનિસિપલ કોર્પોરેશનના સોલિડ વેસ્ટ મેનેજમેન્ટ વિભાગ દ્વારા સ્વચ્છ અમદાવાદ મિશન હેઠળ જાહેર રોડ પર ગંદકી કે ન્યૂસન્સ કરતા ધંધાકીય એકમો, શાકભાજી વેચતા ફેરિયાઓ, પાનના ગલ્લા, ચાની કીટલી વગેરે સ્થળોએ થતા પ્રતિબંધિત પ્લાસ્ટિકના ઉપયોગ, વેચાણ, સંગ્રહ અને પ્રતિબંધિત પ્લાસ્ટિકનું ઉત્પાદન કરતા એકમો તેમજ ધંધાકીય એકમોમાં ડસ્ટબિન ન રાખવા સંદર્ભે આકરો દંડ વસૂલાઈ રહ્યો છે. તંત્ર દ્વારા સોલિડ વેસ્ટ મેનેજમેન્ટ નિયમોના ઉલ્લંઘનના મામલે છેલ્લા સાડા સાત મહિનામાં કસૂરવાર એકમો કે ધંધાર્થીઓ પાસેથી રૂ. ચાર કરોડથી વધુનો દંડ વસૂલવામાં આવ્યો છે.

તંત્ર દ્વારા સોલિડ વેસ્ટ મેનેજમેન્ટના નિયમોના પાલન માટે લાંબા સમયથી આકરાં પગલાં લેવાઈ રહ્યાં હોઈ ચાલુ વર્ષ ૨૦૨૩માં ગત તા. ૧ ૨૦૨૩થી ૧૫ સુધીના જાન્યુઆરી, ઓગસ્ટ, ૨૦૨૩ છેલ્લા સાડા સાત મહિનામાં જ કસૂરવારો પાસેથી રૂ. ૪.૦૫ કરોડનો દંડ વસૂલ્યો હોઈ શહેરમાં ગંદકી ફેલાવનારા તેમજ પ્રતિબંધિત પ્લાસ્ટિકનો ઉપયોગ કરનારા ધંધાર્થીઓમાં ભારે ફફડાટ ફેલાઈ ગયો છે.