હવે થોડું સાચવજોઃ મેઘરાજાના આગમન સાથે શહેરમાં રોગચાળોએ ઊથલો માર્યો

શહેરના સરખેજ, ગોતા, ચાંદલોડિયા, થલતેજ અને બોડકદેવ વિસ્તાર ડેન્ગ્યુ માટેના હોટસ્પોટઃ એક જ અઠવાડિયામાં શરદી-તાવના હજારો કેસ નોંધાતાં લોકોમાં ભય

અમદાવાદ, ગુરુવાર

ચોમાસાની ઋતુ અને સતત વરસાદી માહોલ વચ્ચે હવે ડબલ સિઝન જેવા વાતાવરણ અને ભેજના વાતાવરણમાં રોગચાળાના કેસોમાં અચાનક મોટો ઉછાળો આવ્યો છે, જેના કારણે આરોગ્ય તંત્રમાં ભારે દોડધામ મચી ગઇ છે. શહેરમાં છેલ્લા એક અઠવાડિયામાં જ રોગચાળાના કેસોમાં નોંધપાત્ર વધારો થયો છે. કન્જક્ટિવાઈટિસ (આંખ આવવાના) કેસોમાં માંડ માંડ રાહત મળી છે ત્યાં વાઈરલ ઇન્ફેક્શનના કેસો હવે સામે આવ્યા છે, જેમાં મેલેરિયાઅને ચિકનગુનિયાના આવતાં લોકોમાં ડેન્ગ્યુ કેસ સામે ફફડાટ ફેલાયો છે અને તંત્ર એલર્ટ થઇ ગયું છે. ખાસ કરીને ખાડાવાળા ઊબડખાબડ રસ્તાઓ પર વાહનો ચાલતાં જ ધૂળની ડમરીઓ ઊડે છે, જે શ્વાસમાં જતાં અનેક તકલીફો ઊભી કરે છે. શહેરમાં વકરી રહેલા રોગચાળાને અટકાવવા માટે મચ્છરની ઉત્પત્તિને લઇ સેંકડો લોકોને નોટિસ પણ ફટકારવામાં આવી છે. મ્યુનિસિપલ તંત્ર દ્વારા શહેરમાં સતત ફોગિંગની પ્રોસેસ પણ કરવામાં આવી આરોગ્ય નિષ્ણાતોના મતે અમદાવાદીઓએ હવે થોડું સાચવવા જેવું છે કેમ કે આગમન મેઘરાજાના શહેરમાં સાથે ફરીથી રોગચાળો ખતરનાક રીતે વકર્યો છે, જેનો સૌથી વધુ શિકાર બાળકો અને વૃદ્ધો બની રહ્યા છે.