રોડ પર સૂઈ રહેલાં દંપતી પર AMCનું સ્વીપર મશીન ફરી વળ્યુંઃ મહિલાનું મોત, પતિ ઘાયલ

વાસણાની જી.બી.શાહ કોલેજ પાસેનો બનાવ સ્ટિયરિંગ પરનો કાબૂ ગુમાવતાં અકસ્માત સર્જાયો

શહેરમાં દર એકાદ-બે દિવસે અકસ્માતની ઘટના સામે આવી રહી છે, જેમાં નિર્દોષ રાહદારીઓ તેમજ વાહનચાલકોનાં મોત થયાં છે. પુરઝડપે આવતા વાહનચાલકો જ્યારે જ્યારે અકસ્માત સર્જે છે ત્યારે અમદાવાદ ના રસ્તાઓ લોહીથી ખરડાય છે. આજે વહેલી સવારે વાસણાના રસ્તા રક્તરંજિત થયા છે. અમદાવાદ મ્યુનિસિપલ કોર્પોરેશનનું સ્વીપર મશીન માતેલા સાંઢની જેમ આવ્યું હતું અને ફૂટપાથ પર સૂઇ રહેલા દંપતી પર ફરી વળ્યું હતું. અકસ્માતની આ કરુણ ઘટનામાં મહિલાનું મોત થયું છે, જ્યારે મહિલાનો પતિ ઇજાગ્રસ્ત થયો છે.

રસ્તા પર સૂઇ જવું એ આજે જોખમ સાબિત થઇ રહ્યું છે, કારણ કે ગમે ત્યારે પુરઝડપે વાહન આવીને અડફેટમાં લઇ લે છે. આજે સવારે શહેરના વાસણા વિસ્તારમાં અકસ્માતની એક ઘટના બની છે,