ઝડપાયેલી કેશ સાથે મારે કે કોંગ્રેસને કોઈ લેવાદેવા જ નથી: ‘ધનકુબેર' ધીરજ સાહુ

બિઝનેસ મારા પરિવારનો છે અને તેથી પરિવારના સભ્યો જ જવાબ આપશેઃ સાહુએ પહેલીવાર મૌન તોડ્યું

કોંગ્રેસના રાજ્યસભાના સાંસદ અને શરાબના વેપારી ધીરજ સાહુએ ઈન્કમટેક્સ વિભાગના દરોડા બાદ પ્રથમ વખત મૌન તોડીને મીડિયામાં નિવેદન આપ્યું છે. ધનકુબેર’ ધીરજ સાહુનાં વિવિધ સ્થળેથી ઈન્કમટેક્સ વિભાગેને રૂ. ૩૫૦ કરોડથી પણ વધુની કેશ મળી આવી છે. આ અંગે તેમણે પ્રથમ વાર પ્રતિક્રિયા આપતાં જણાવ્યું છે કે, ઈન્કમટેક્સ વિભાગ ના દરોડામાં જે કેશ ઝડપાઈ છે તેની સાથે મારે કે કોંગ્રેસ પક્ષને કોઈ લેવાદેવા જ નથી.

અમારો બિઝનેસ શરાબની કંપનીનો  છે અને તે બિઝનેસ મારા પરિવાર નો છે. તેથી આ અંગે મારા પરિવારના સભ્યો જ જવાબ આપશે. શરાબનો બિઝનેસ કેશમાં થતો હોય છે તેથી આ કેશ સાથે કોંગ્રેસ પરિવારને પણ કોઈ નિસ્બત નથી.