વાહન ફાસ્ટ્ ચલાવવા મામલે બુટલેગર ભાઈઓએ બે યુવકને તલવાર-છરી મારી

અમરાઈવાડીનો ચોંકાવનારો બનાવઃ યુવક ચિકન લઈને ઘરે જતો હતો ત્યારે દારૂડિયા બુટલેગર્સે તેને રોકી બબાલ કરી હતી

શહેરના વિસ્તારમાં અમરાઈવાડી મોડી રાતે બુટલેગર બંધુઓએ ભેગા મળી બે યુવકો પર છરી તેમજ તલવાર વડે હુમલો કરતાં ચકચાર મચી ગઈ છે. વાહન ફાસ્ટ ચાલવા મામલે બુટલેગરબંધુઓ અને તેમના મિત્રએ યુવકને ઠપકો આપ્યો હતો, જેને લઇ મામલો બીચક્યો હતો. યુવક ઘર માટે ચિકન લેવા ગયો હતો તે સમયે આ બનાવ બન્યો છે. મોડી રાતે ખેલાયેલા આ લોહિયાળ ખેલમાં કોઈ જૂની અદાવત નહીં, પરંતુ વાહન ફાસ્ટ ચલાવવાનો મુદ્દો હોવાથી પોલીસ પણ ખુદ અંચબામાં મુકાઈ ગઈ છે. હુમલો કરનાર ત્રણેય લોકો ચિક્કાર દારૂ પીધેલી હાલતમાં હોય તેવું ચર્ચાઇ રહ્યું છે.