નવરાત્રીમાં કોઈ પણ મુસીબતમાં ફસાયેલી મહિલાઓ માટે પોલીસ ‘દેવદત' બતશે

મોડી રાતે ઘરે જવા વાહન મળતું ના હોય તેવા સંજોગમાં પોલીસ હેલ્પલાઈન નંબર ૧૦૦ ઉપર સંપર્ક કરશો તો તરત જ વાહનની મદદ મળી જશે જવાહલની મદદ

માતાજીનાં નોરતાં આવ્યાં, ચોસઠ જોગણીઓ સંગ ગરબે રમવાને તમે આવો ને… આજથી નવરાત્રીનો શુભ પ્રાંરભ થયો છે અને ખૈલેયાઓ ગરબે ઝૂમવા માટે થનગનાટ કરી રહ્યા છે. વહેલી પરોઢ સુધી શહેરના વિવિધ પાર્ટીપ્લોટ, ક્લબ, સોસાયટી, શેરીઓમાં ગરબા થવાના છે ત્યારે કોઇ અનિચ્છનીય બનાવ બને નહીં તે માટે પોલીસે માઇક્રોલેવલની તમામ તૈયારીઓ કરી દીધી છે. પોલીસ આજથી નવ દિવસ સુધી એલર્ટ મોડ પર છે અને આફતમાં ફસાયેલી યુવતીને હેમેખેમ ઘર સુધી પહોંચાડવા માં મદદરૂપ થવાની છે. જો ગરબા રમતાં રમતાં મોડી રાત થઇ ગઇ હોય અને ઘરે જવા માટે વાહન મળતું ના હોય તેવા સંજોગો માં ગભરાવવાની કે મુંઝાવાની જરૂર નથી માત્ર પોલીસ હેલ્પલાઇન નંબર ૧૦૦ ઉપર સંપર્ક કરશો તો પોલીસ વાહનની મદદ મળી જશે. પોલીસ તેનાં વાહનમાં બેસાડીને યુવતી કે મહિલાને તેના ઘર સુધી મૂકી જશે. મોડીરાતથી પોલીસ કર્મચારી ઓ સતત પેટ્રોલિંગ કરશે અને મહિલાઓની રક્ષા કરશે.