‘ફેંગલ' તોફાન ચક્રવાતમાં ફેરવાયુંઃ તામિલનાડુના અનેક જિલ્લાની શાળા-કોલેજો બંધ તંત્ર એલર્ટ

તામિલતાડુમાં જળબંબાકારતી સ્થિતિઃ અનેક ફલાઈટ મોડી પડી, ૭૫-૮૦ પ્રતિકિલોમીટરની ઝડપે પવન ફુંકાશે

બંગાળની ખાડીમાં ઉદ્ભવેલું ‘ફંગલ’ તોફાન હવે ચક્રવાતમાં ફેરવાઈને તબાહી મચાવી રહ્યું છે, જેના કારણે દક્ષિણનાં રાજ્યમાં ભારે વરસાદ પડી રહ્યો છે. તામિલનાડુ જળબંબાકાર થયું છે. કેટલાંક સ્થળોએ પૂરની સ્થિતિ છે અને અનેક ફ્લાઇટ મોડી પડી રહી છે. ભારે વરસાદના કારણે પુડુચેરી અને કરાઇકલ ની તમામ સરકારી અને ખાનગી શાળાઓ, સરકારી સહાયથી ચાલતી શાળાઓ-કોલેજોમાં રજા જાહેર કરવામાં આવી છે. હજુ પણ હવામાન વિભાગે આજે ભારે વરસાદનું એલર્ટ જાહેર કરી ૭૫-૮૦ પ્રતિકિલોમીટરની ઝડપે પવન ફૂંકાવાની ચેતવણી આપી છે અને લોકોને સાવચેત રહેવા જણાવાયું છે. ‘ફેંગલ’ ચક્રવાતના કારણે આમ પણ છેલ્લા કેટલાક દિવસોથી તામિલનાડુમાં ભારે વરસાદ જોવા મળી રહ્યો છે.