જાહેર રોડ પર ગંદકી કરશો તો આવી બનશે: તંત્રએ ૧૦ એકમ સીલ કર્યા

પશ્ચિમ અમદાવાદમાં સોલિડ વેસ્ટ મેનેજમેન્ટ વિભાગતી જોરદાર ઝુંબેશ

'મારું શહેર, મારું ગૌરવ' અભિયાન હેઠળ અમદાવાદ મ્યુનિસિપલ કોર્પોરેશનના સત્તાધીશોએ શહેરને સ્વચ્છ રાખવા આક્રમક મૂડ અપનાવ્યો છે. ખાસ કરીને પશ્ચિમ અમદાવાદના તમામ પોશ વિસ્તારોમાં સોલિડ વેસ્ટ મેનેજમેન્ટ વિભાગ દ્વારા રોજેરોજ સઘન ચેકિંગ હાથ ધરાઈ રહ્યું છે અને જાહેર રોડ પર ગંદકી કે ન્યૂસન્સ કરનારા ધંધાકીય એકમોને સીલ મારવામાં આવી રહ્યા છે. ગઈ કાલે એક જ દિવસે પશ્ચિમ ઝોનના આઠ અને ઉત્તર પશ્ચિમ ઝોનના બે એકમને ગંદકી કરવા બદલ તાળાં મારી દેવામાં આવ્યાં હતાં.