ત્રણ-ત્રણ વખત સીલ કરાયા છતાં પણ જારી રખાયેલા ગેરકાયદે બાંધકામને તોડી પડાયું

લાંભામાં ૧૨ રહેણાક અને ચાર કોમર્શિયલ બાંધકામ દૂર કરી ૪૮૫ રનિંગ મીટર ટીપી રોડ ખુલ્લો કરાયો

મ્યુનિસિપલ કોર્પોરેશનના દક્ષિણ ઝોનના એસ્ટેટ અને નગર વિકાસ ખાતા દ્વારા ગેરકાયદે બાંધકામો અને જાહેર માર્ગ પરનાં દબાણો દૂર કરવા માટે ખાસ ઝુંબેશ હાથ ધરવામાં આવી હતી. આ ઝુંબેશ દરમિયાન ઈન્દ્રપુરી વોર્ડના પ્રકાશ એસ્ટેટમાં ઊભા કરાયેલા ઇન્ડસ્ટ્રિયલ પ્રકારનાં ગેરકાયદે બાંધકામ પર મ્યુનિ. તંત્રએ હથોડા ઝીંક્યા હતા.