మీ వెంట నేనున్నా

• వాలంటీర్ల ద్వారా రూ.2500 సాయం  • ప్రతి ఇంటికి వాలంటీర్ వచ్చి రూ. 2,500 ఇస్తారు

• జగనన్నకు చెబుదాం 1902కు ఫోన్ కొట్టండి 

• ముఖ్యమంత్రి వైఎస్ జగన్మోహన్రెడ్డి

తిరుపతి నుంచి 'సూర్య' ప్రత్యేక ప్రతినిధి: ముఖ్యమంత్రి వైఎస్ జగన్మోహన్రెడ్డి తిరుపతి జిల్లాలో పర్యటించారు. ఈ సందర్భంగా తుపాను ప్రభావిత ప్రాంతాల్లో సీఎం జగన్ పర్యటించి రైతులతో మాట్లాడారు. వాకాడు మండలంలోని స్వర్ణముఖి నదికట్ట తెగి నష్టపోయిన ప్రాంతాలను సీఎం జగన్ ఈ క్రమంలో నష్టపోయిన ప్రతీ పరిశీలించారు. రైతును ఆదుకుంటామని ముఖ్యమంత్రి జగన్ హామీ ఇచ్చారు. సీఎం జగన్ మోహన్ రెడ్డి ఈ సందర్భంగా మాట్లాడుతూ ఈ నాలుగైదు రోజుల్లో భారీ వర్షం కురిసింది. మనకు వచ్చిన కష్టం, మనకు వచ్చిన నష్టం వర్ణణాతీతమే. వరుసగా వర్షాలు పడటంతో రైతులు నష్టపోయారు. సాయం కోసం 92 రిలీఫ్ కేంద్రాలను పెట్టడం జరిగింది. 60 వేల మంది బాధితులకు 25 కేజీల రేషన్ బియ్యంతో పాటు నిత్యావసరాలను పంపిణీ చేయడం జరిగింది. ప్రతీ ఇంటికి రూ.2,500 ఇచ్చాము. ఏ ఒక్కరికీ నష్టం జరగనివ్వం. ఏ రాష్ట్రంలో లేని విధంగా వాలంటీర్ వ్యవస్థ మన దగ్గరే ఉంది. ప్రతీ ఇంటికి వాలంటీర్ వచ్చి రూ.2,500 ఇస్తారు. పంట నష్టంపై కూడా ఏ ఒక్కరూ బాధపడనవసరం లేదు. స్వర్ణముఖిపై హైలెవల్ బ్రిడ్జి నిర్మాణం చేపడతాం.వారంలో అందరికీ సాయం చేస్తాను. నష్టపోయిన ప్రతీ రైతును అందుకుంటాం. ఏ ఒక్కరికీ నష్టం జరగనివ్వం.నష్టపోయిన రైతులకు 80 శాతం సబ్సిడీతో విత్తనాలు అందిస్తాం. రోడ్లను వునరుద్ధరించే కార్యక్రమాలు చేపడతాం. తుపాను బాధితులను అన్ని విధాలుగా ఆదుకుంటామని అన్నారు.