గులకరాయి పేరుతో జగన్ డ్రామాలు

• టీడీపీ 5 ఏళ్లల్లో పెట్టిన ఖర్చు రూ. 1,600 కోట్లు, జగన్ రెడ్డి పెట్టిన ఖర్చు రూ.594 కోట్లు మాత్రమే

• ఉత్తరాంధ్రలో సాగునీటి ప్రాజెక్టులను నిర్వీర్యం చేసిన జగన్ రెడ్డి

• నేను కష్టాల్లో ఉన్నప్పుడు నా కుటుంబానికి ప్రజలు అండగా నిలిచారు

• ఉత్తరాంధ్రలో విజయసాయిరెడ్డి, సుబ్బారెడ్డీల పెత్తనం ఏంటి?

• జగన్ చెప్పేవి అబద్ధాలు చేసేవి నేరాలు

• చేసిన తప్పులు ఇతరుల మీద నెట్టడంలో జగన్ దిట్ట

• మూతపడిన పరిశ్రమలను తెరిపించి ఉద్యోగాలు ఇస్తాం

• రాజాం ప్రజాగళం సభలో టీడీపీ అధినేత నారా చంద్రబాబు నాయుడు

ఉత్తరాంధ్ర ఉత్సాహం ఉవ్వెత్తున ఎగసిపడుతుంది. వైసీపీపై విశాఖ విరుచుకు పడుతుంది. కూటమి విజయానికి విజయనగరం జయకేతనం చూపిస్తుంది.కురుక్షేత్రంలో యుద్ధానికి సింహాలు గర్జిస్తున్నాయి.

రాజాం నుంచి సూర్య ప్రత్యేక ప్రతినిధి: ఉత్తరాంధ్ర ఉత్సాహం ఉవ్వెత్తున ఎగసిపడుతుంది. వైసీపీపై విశాఖ విరుచుకు పడుతుంది. కూటమి విజయానికి విజయనగరం జయకేతనం చూపిస్తుంది. కురుక్షేత్రంలో యుద్ధానికి సింహాలు గర్జిస్తున్నాయి. ఉత్తరాంధ్రలో 35 సీట్లు ఎన్డీఏ గెలుస్తుంది. జగన్ రెడ్డి సభలకు కూలి జనం అయితే ప్రజా గళానికి వచ్చేది స్వచ్ఛంధ జనం. జగన్ ఒక్కో సభకు రూ.25 కోట్లు ఖర్చు పెడుతున్నారు, బిర్యాని ప్యాకెట్లు, మందు బాటిళ్లు పంచిపెడుతున్నారు. జగన్ రెడ్డికి రాజాం నుంచి జే గన్ రెడ్డి గా వులచుకుందాం.ఆయన ఏం చదవిరో తెలియదు గాని అబద్దాల్లో పీహెచ్ డీ చేశారు. ఏ ప్రాంతం బాగుపడాలంటే నీళ్లు కావాలి. అదే సమయంలో పిల్లలను చదివించి, ఉద్యోగాలు ఇవ్వాలి. అందుకు కరెంట్, మౌలిక సదుపాయాలు ఉండాలి. ఇదే పాలకొండ రోడ్డు ప్రమాదంలో ఎంత మంది చనిపోయారు, ఎంత మందికి నడుం, కాళ్లు విరిగిపోయాయి. వైసీపీ నాయకులకు సమాధనం చెప్పే దమ్ముందా? అని టీడీపీ అధినేత చంద్రబాబు నాయుడు ప్రశ్నించారు.