ఏపీలో గెలుపెవరిది?

• గోదావరి జిల్లాలోని 4 నియోజకవర్గాల్లో ఏ పార్టీ గెలిస్తే ఆ పార్టీదే అధికారం

• అందరి చూపు ఆ సెగ్మెంట్లపైనే 

• 46 ఏళ్లుగా వస్తున్న సెంటిమెంట్ 

• అక్కడ ఎవరు గెలిస్తే వారిదే అధికారం

అమరావతి నుంచి సూర్య ప్రత్యేక ప్రతినిధి : సార్వత్రిక ఎన్నికల్లో గెలువు ఎవరిదన్న పై ఉత్కంఠ నెలకొంది. పార్టీ అభ్యర్థులు విహార యాత్రల పేరుతో విదేశాల్లో విహరిస్తున్నా మనసంతా కౌంటింగ్ పైనే ఉంది.ప్రస్తుతం అందరి చూవు ఆ సెగ్మెంట్లపైనే ఉంది. మరి సెంటిమెంట్ నియోజకవర్గాలు ఏవి? ఏ పార్టీ గెలిచే అవకాశాలు ఉన్నాయి? 

46 ఏళ్లుగా వస్తున్న సెంటిమెంట్ :

ప్రజలు, పార్టీల్లో సెంటిమెంట్ అంటే ఒక నమ్మకం, విశ్వాసం. ఇదే సెంటిమెంట్ ఏపీలో ఏ పార్టీ అధికారంలోకి వస్తుందో తెలియజేయబోతోంది. అవును.. ఉమ్మడి పశ్చిమ గోదావరి జిల్లాలోని 4 నియోజకవర్గాల్లో ఏ పార్టీ గెలిస్తే ఆ పార్టీదే అధికారం. ఈ సెంటిమెంట్ ఇప్పటిది కాదు. నాలుగున్నర దశాబ్దాల నుంచి వస్తున్నది. అందుకే నాలుగు నియోజకవర్గాల్లో గెలిస్తే అధికారంలోకి వచ్చినట్లే అన్నట్లు పార్టీలు భావిస్తాయి.

అక్కడ ఎవరు గెలిస్తే వారిదే అధికారం: పశ్చిమగోదావరి జిల్లాలోని ఏలూరు, భీమవరం, ఉంగుటూరు, పోలవరం నియోజకవర్గాల్లో గత 46ఏళ్లుగా ఒకే పార్టీ గెలుస్తూ వస్తోంది. విచిత్రం ఏంటంటే.. ఇక్కడ గెలిచిన పార్టీయే రాష్ట్రంలో అధికారంలోకి వస్తోంది.