தமிழ் தேசியத்தை “கறையான் அரிப்பது போல் அரிக்கின்றது”

தற்போது அட்சி அமைத்துள்ள அரசாங்கம், அதன் ஜனாதிபதி, அந்த கட்சி தமிழ்த் தேசியத்தையும் தமிழ்மக்களின் பிரச்சினைகளையும் கறையான் அரிப்பது போன்று உள்ளதால் அழித்துக் கொண்டு செல்கின்றது.

- கனகராசா சரவணன்

எனவே, எங்களது மக்களின் உரிமைகளைப் பாதுகாக்க வேண்டுமானால், நாங்கள் எங்களுக்குள் இருக்கும் விருப்பு வெறுப்புக்களுக்கு அப்பால் தொடர்ந்து அனைவரும் ஒன்றிணைந்து செயற்படவேண்டும்.

இல்லாவிட்டால் எமது மக்களின் எதிர்காலம் சூனியமாகும் என்பதில் எந்த மாற்று கருத்தும் இல்லை.

என முன்னாள் பாராளுமன்ற உறுப்பினரும் ரெலோ கட்சியின் செயலாளருமான சங்கு சின்ன வேட்பாளருமான கோ.கருணாகரம் தெரிவித்துள்ளார்.

மட்டக்களப்பு - வாவிக்கரை வீதியிலுள்ள அவரது காரியாலயத்தில் இன்று செவ்வாய்க்கிழமை (19) இடம்பெற்ற ஊடக மாநாட்டில் உரையாற்றியபோதே அவர் இவ்வாறு குறிப்பிட்டுள்ளார்.

மேலும் அவர் கூறியதாவது, மட்டக்களப்பு மாவட்டத்தில் நடந்து முடிந்த பாராளுமன்ற தேர்தலிலே ஜனநாயக தமிழ்த் தேசிய கூட்டணி சார்பில் போட்டியிட்ட எனக்கும் எனது குழுவினருக்கும் ஆதரவு நல்கிய தமிழ்த் தேசியத்தை நேசிக்கும் மக்கள் அனைவருக்கும் இதயப்பூர்வமான நன்றிகள்.