'பொதுப் போக்குவரத்துக் கட்டணங்கள், எம்ஆர்டி இடையூறுகள் தனித்தனி விவகாரங்கள்’

ரயில் சேவைகளின் நம்பகத்தன்மை பொதுப் போக்குவரத்துக் கட்டணங்கள் நிர்ணயிக்கப்படும் முறையில் எவ்விதத் தாக்கத்தை கொண்டிருக்கக் கூடாது என்று போக்குவரத்து அமைச்சர் சீ ஹொங் டாட் நாடாளுமன்றத்தில் கூறியிருக்கிறார்.

"சேவைத் தரம் பூர்த்திசெய்யப்படுவதை உறுதிசெய்ய மற்ற நடவடிக்கைகள் நடப்பில் உள்ளன," என்று ஆறு நாட்கள் கிழக்கு மேற்கு ரயில் பாதையில் சேவைகளைப் பாதித்த பேரளவிலான இடையூறு குறித்த அமைச்சர் நிலை அறிக்கை ஒன்றில் அவர் குறிப்பிட்டார்.