சிறார் வளர்ச்சியில் சமூக, உணர்வுபூர்வ மேம்பாடு முக்கியம்: கல்வி அமைச்சர் சான்

சிறார்களின் கல்விக்கான முக்கிய அடித்தளம் சமூக, உணர்வுபூர்வ மேம்பாடு என்றும் வலுவான சமூக உணர்வு சார்ந்த மேம்பாடு இல்லையென்றால், எஞ்சியிருக்கும் கல்விப் பயணத்தைக் கட்டமைப்பது கடினமானதாக இருக்கக்கூடும் என்றும் தெரிவித்தார் கல்வி அமைச்சர் சான் சுன் சிங்.

அக்டோபர் 17ஆம் தேதியன்று துவங்கிய இளம்பருவ வளர்ச்சிக்கான தேசியக் கல்விக்கழகத்தின் (என்ஐஇசி) ஐந்தாவது வருடாந்தர மாநாட்டில் சிறப்பு விருந்தினராகப் பங்கேற்ற அமைச்சர் சான், சிங்கப்பூரில் இளம்பருவக் கல்வியின் இன்றியமையாதப் பங்கு குறித்து உரையாற்றினார்.

“கல்வியைத் தாண்டி சிறார்களின் சமூக மற்றும் உணர்வு சார்ந்த நலனில் நாம் கவனம் செலுத்துவோம். சிங்கப்பூரில் பதின்மவயதினர் மற்றும் இளஞ்சிறார்கள் பலருக்கு இருக்கும் சமூக, உணர்வுபூர்வ சவால்களைக் கண்டறியுங்கள்.

“இதன் தொடர்பில் சிறார்களின் சமூக மற்றும் உணர்வு சார்ந்த அடித்தளங்களை வலுவாக்குவது குறித்து ‘என்ஐஇசி’ தீவிரமான ஆய்வுகளை மேற்கொள்ளும் என்று நம்புகிறேன்,” என்றார் அமைச்சர் சான்.