உதவி பெறுவதிலிருந்து உயர்வடையும் நிலைக்கு முன்னேறும் குடும்பங்கள்

குறைந்த வருமானக் குடும்பங்களுக்கு வழங்கப்பட்டுவரும்  சமூக ஆதரவு குறித்த அறிக்கை வெளியீடு.

குறைந்த வருமானக் குடும்பங்களுக்கு ஆதரவளித்து வரும் சமூகநலன் சார்ந்த உதவிகளின் நிலவரம் தொடர்பிலான அறிக்கையை சமுதாய, குடும்ப மேம்பாட்டு அமைச்சு வெளியிட்டுள்ளது.

கடந்த ஐந்தாண்டுகளில் (2019-2023) கொம்கேர் (ComCare) சமூகநல நிதி, மற்றும் கொம்லிங்க்+ (ComLink+) உதவிபெற்ற குடும்பங்களின் சூழல் பற்றிய அறிக்கையை செவ்வாய்க்கிழமை (நவம்பர் 19) வெளியிட்ட அமைச்சு, சமூக ஆதரவு அமைப்பில் சிங்கப்பூரின் அணுகுமுறை, அதில் நிலவும் முக்கிய போக்குகள் குறித்த தரவுகளையும் பகிர்ந்தது.

அறிக்கை கூறும் தகவல்கள்

கொம்கேர் குறுகியகால - நடுத்தர கால உதவித் திட்டம் வாயிலாக ஆதரவுபெற்ற குடும்பங்களின் எண்ணிக்கை குறைந்துள்ளது. 2019ல் அத்தகைய உதவி நாடிய குடும்பங்களின் எண்ணிக்கை 4,175. இது, 2023ல் 3,479ஆகச் சரிந்ததை அறிக்கை சுட்டியது.