சிலம்பரசனின் புதுப் படத்தில் இணையும் மற்றொரு நாயகன்

சிலம்பரசனின் ‘STR 49’ படத்திற்கான பணிகள் தொடங்கிவிட்டன.

- 

இதில் சிம்புவுடன் மற்றொரு கதாநாயகனும் இணைகிறார் என்பது சிம்பு ரசிகர்களை யோசிக்கவும் உற்சாகம் அடையவும் வைத்துள்ளது.

மணிரத்னத்தின் இயக்கத்தில், கமலுடன் இணைந்து சிம்பு நடித்திருக்கும் ‘தக் லைஃப்’ படம் ஜூன் மாதம் வெளியாகிறது. இதுதான் சிம்பு நடிப்பில் வெளியாகும் 48வது படம்.

அடுத்து ‘பார்க்கிங்’ ராம்குமார் பாலகிருஷ்ணன் இயக்கத்தில் சிம்புவின் 49ஆவது படம் உருவாகிறது. இப்படத்தின் முதல்தோற்றச் சுவரொட்டியை அண்மையில் வெளியிட்டனர். மிகவும் மிரட்டலாக உள்ளது என சிம்பு ரசிகர்கள் இச்சுவரொட்டியைக் கொண்டாடுகிறார்கள்.

படத்தின் கதையை சிம்புவிடம் விவரித்தபோதே, இதில் மற்றொரு முக்கியமான கதாபாத்திரம் இருப்பதாகக் குறிப்பிட்டாராம். அது மட்டுமல்ல, படம் முழுவதும் நாயகனுக்குரிய முக்கியத்துவத்துடன் அந்தக் கதாபாத்திரம் உருவாக்கப்பட்டுள்ளதாகவும் சொல்லியிருக்கிறார்.