மலேசியா நிதி உதவி; மீட்புக் குழுவை அனுப்பியது

மியன்மார் நிலநடுக்கத்தில் மாண்டோர் எண்ணிக்கை 1,600ஐ தாண்டிய நிலையில் அந்நாட்டுக்கு ஞாயிற்றுக்கிழமை (மார்ச் 30ஆம் தேதி) மலேசியா 50 பேர் கொண்ட மீட்புக் குழு ஒன்றை அனுப்பியுள்ளது.

- 

மலேசியாவின் சிறப்பு பேரிடர் நிவாரண, உதவிக் குழுவானது ராணுவ, காவல்துறை, தீயணைப்பு மற்றும் மீட்புக் குழுவினரை உள்ளடக்கியது.

இவர்கள் அனைவரும் இரண்டு லாரிகள், ஒரு ஹைலக்ஸ் வாகனம், தேடுதல், மீட்புக் கருவிகள், மருத்துவப் பொருள்கள் ஆகியவற்றை இரண்டு ராணுவ விமானங்களில் ஏற்றிக்கொண்டு மியன்மாருக்கு சுபாங் விமான தளத்திலிருந்து கிளம்பினர்.