కోర్కెలు తీర్చే దైవం 'శ్వేతార్క మూల గణపతి'

కోర్కెలు తీర్చే దైవం 'శ్వేతార్క మూల గణపతి'

దేవాలయాల్లో ఉండే దేవ విగ్రహాలు శిల్పులు చెక్కినవి కాగా "అరుదుగా కొన్ని స్వయంభూగా వెలసినవి ఉంటాయి.అలాంటి స్వయంభూ దేవాలయాల్లో తెలంగాణ గణపతిగా ప్రసిద్ధి గాంచిన వరంగల్ జిల్లాలోని కాజీపేటలో వివిధ దేవతా మూర్తులతో, నవగ్రహ క్షేత్ర నిలయంగా భాసిల్లుతోన్న స్వయంభూ శ్రీ శ్వేతార్క గణపతి క్షేత్రం ఒకటి.స్వయంభూగా వెలసి భక్తుల కోర్కెలను నెరవేరుస్తూ భక్తుల ఇలవేల్పుగా ప్రసిద్ధి పొందుతున్న దేవాలయం శ్రీ శ్వేతార్క మూల గణపతి. ఈ గుడిలోని విగ్రహాన్ని ఏ శిల్పి చెక్కలేదు.తెల్లజిల్లేడు మొదలు పై స్వయంగా వెలసినప్పుడు దాన్ని ఇంకా పరమ పవిత్రంగా భావిస్తారు భక్తులు.

ఈ శ్వేతార్క గణపతిలో అస్పష్టత ఉండదు. కాజీపేట శ్వేతార్క మూలగణపతి తల, కళ్లు, తొండము, ఒకటి పొడుగ్గా మరొకటి.విరిగినట్లుగా ఉండే రెండు దంతాలు, ఆసన భంగిమ, పాదాలు, మూషిక వాహనం.. ఇలా ప్రతిదీ స్పష్టంగా విఘ్నేశ్వరుని పోలి ఉంటుంది.