నమ్మకం

సింగిల్ పేజీ కథ

- పర్వతాల శ్రీనివాసులు

డా క్టర్ అబ్దుల్ రషీద్ గొప్ప వైద్యుడు. ఇతని సేవలను గుర్తించిన భారత ప్రభుత్వం వైద్యరంగంలో చేసిన సేవలకు ఇచ్చే అవార్డును ఇచ్చి సన్మానం చేయాలని ఆ అవార్డును ప్రకటించింది.

ఈ అవార్డును ఢిల్లీలో ఒక గొప్ప కార్యక్రమం ఏర్పాటు చేసి ఒక తేదీని ఖరారు చేసి డాక్టర్ అబ్దుల్ రషీదుకు విషయాన్ని తెలిపారు డాక్టర్ అబ్దుల్ రషీద్ హైదరాబాద్లో ప్రముఖ హాస్పిటల్లో వైద్యసేవలు అందిస్తుంటాడు.

రషీద్ అవార్డు అందుకునే రోజు రానే వస్తుంది. అవార్డు ప్రదానం చేసే కార్యక్రమం సాయంత్రం 4.30 గంటలకు ఉంటుంది. ఇక డాక్టర్ అబ్దుల్ రషీద్ ఆ రోజు తాను చేయాల్సిన డ్యూటీ చేసుకొని హైదరాబాద్ నుండి ఢిల్లీకి విమానంలో వెళ్తుంటాడు. మార్గమధ్యంలో ఎడతెరపిలేని గాలివానతో విమానం ముందుకు వెళ్లే పరిస్థితి ఉండదు. దాంతో పైలట్ విమానాన్ని అత్యవసరంగా ల్యాండ్ చేయాల్సి వస్తుంది. నిమిషాలు గడిచిపోతుంటాయి. విమానం నడపడానికి అనుకూలంగా లేకపోవడంతో ఎటూ తోచని పైలట్, ప్రయాణికులు ఇబ్బంది పడుతుంటారు. కానీ అబ్దుల్ రషీద్ మాత్రం తనకు రావల్సిన అవార్డును సమయానికి వెళ్లి తీసుకోలేకపోతున్నానని మదనపడుతుంటాడు. ఒకవైపు కోపం, మరొక వైపు బాధతో చాలా ఇబ్బందిగా ఫీలవుతుంటాడు.