గురు బ్రహ్మ

సింగిల్ పేజీ కథ

- పి.గిరి

“రచయితగా మన మహేంద్ర గారికి ఇంత చిన్న వయసులో సాహిత్య రత్న బిరుదుతో పాటు తాను రచించిన ‘కొవ్వొత్తి'కి జాతీయ అవార్డు రావడం మన ఊరికే కాదు యావత్తు దేశానికే గర్వకారణం. ఓనమాలు దగ్గర నుండి పదవ తరగతి వరకు పాఠశాలలో చదివి ఉన్నత విద్యను అభ్యసించడానికి హైదరాబాద్ వెళ్లి అక్కడ చక్కని విద్యను నేర్చుకుని పిన్న వయసులోనే ప్రభుత్వ ఉద్యోగం సంపాదించి ఇప్పుడు మన మండల కేంద్రానికి మండల అధికారిగా విధులు నిర్వహిస్తూ తన ప్రవృత్తి అయిన రచనా వ్యాసంగంలో అత్యంత ఉన్నతమైన స్థాయిలోకి వెళ్లి మనందరికీ స్ఫూర్తిదాయకంగా నిలిచారు మన ఊరివాడైన మహేంద్రగారు" అని వేదిక పైన నా గురించి ప్రస్తుత పాఠశాల ప్రధానోపాధ్యాయులు దయాకర్ చెప్తుంటే నా కళ్లు చెమ్మగిల్లుతున్నాయి.

"అక్షరంముక్క రాదు వీడికి. ఎంత దిద్దించినా చదువు ఒంటబట్టడం లేదు మల్లయ్యా అని మా నాన్నతో చెప్పిన రాములు మాస్టరుగారు నాకు గుర్తుకు వచ్చారు” తడిసిన నా కళ్లు నన్ను నా జ్ఞాపకాల గతంలోకి తీసుకెళ్లాయి.

                      ----------------