ராகுலின் ஒற்றுமைப் பயணம் – முதலமைச்சர் மு.க.ஸ்டாலின் தொடங்கி வைத்தார்

காங்கிரஸ் முக்கியத் தலைவர் ராகுல் காந்தி மேற்கொள்ளும் 'பாரத் ஜோடோ யாத்ரா' என்ற இந்திய ஒற்றுமை நடைப்பயணத்தை தேசிய கொடி வழங்கி முதலமைச்சர் மு.க.ஸ்டாலின் தொடங்கிவைத்தார்.

காங்கிரஸ் மேனாள் தலைவர் ராகுல் காந்தி, அகில இந்திய அளவில் கட்சியை பலப்படுத்தவும், தொண்டர்களை உற்சாக மடையச் செய்யவும் 'பாரத் ஜோடோ யாத்ரா' என்ற இந்திய ஒற்றுமை நடைப்பயணத்தை மேற்கொண்டுள்ளார். கன்னியாகுமரியின் காந்தி மண்டபம் நுழைவுவாயிலில் இருந்து தொடங்கிய இந்த நடைப்பயணத்தை முதலமைச்சர் மு.க.ஸ்டாலின், தேசியக் கொடியை வழங்கி தொடங்கி வைத்தார். இதற்காக காந்தி மண்டபம் வந்த முதலமைச்சர் மு.க.ஸ்டாலின், அங்கு நடைபெற்ற நிகழ்ச்சியில் ராகுல் காந்தியுடன் அமர்ந்து பங்கேற்றார். முன்னதாக, ராகுல் காந்திக்கு முதலமைச்சர் மு.க.ஸ்டாலின் பொன்னாடை போர்த்தி, ஆரத்தழுவி தனது வாழ்த்துகளை தெரி வித்தார்.