ஆண்டிமடத்தில் மார்ச் 8இல் தமிழர் தலைவர் பங்கேற்கும் பொதுக்கூட்டம் எழுச்சியோடு நடத்திட அரியலூர் மாவட்ட கலந்துரையாடலில் முடிவு

அரியலூர் மாவட்ட கலந்துரையாடல் கூட்டம் ஆண்டிமடம் வன்னியர் திருமண மண்டபத்தில் 5.2.2023 ஞாயிறு மாலை 6:00 மணி அளவில் தொடங்கி சிறப்பாக நடைபெற்றது கழகப் பொதுச் செயலாளர் துரை சந்திர சேகரன் தலைமை வகித்தார். 

ஆண்டிமடம்,பிப்.14

ஆண்டிமடம் ஒன்றிய தலைவர் இரா.தமிழரசன் கடவுள் மறுப்பு கூறினார். மாவட்ட செயலாளர் க. சிந்தனைச் செல்வன் அனைவரையும் வரவேற்று உரையாற்றினார்.மாவட் டத் தலைவர் விடுதலை நீலமேகன், மண்டல தலைவர் இரா. கோவிந்த ராஜன் மண்டல செயலாளர் சு. மணி வண்ணன், பொதுக்குழு உறுப்பினர் சி.காமராஜ், மாநில இளைஞரணி துணை செயலாளர் அறிவன், மாவட்ட ப.க.  தலைவர் தங்க. சிவமூர்த்தி மண்டல இளைஞரணி செயலாளர் பொன் செந்தில்குமார், மாவட்ட இளைஞரணி தலைவர் க.கார்த்திக் ஆகியோர் முன்னிலை வகித்து பொதுக்கூட்டம் சிறப்பாக நடைபெற கருத்துகளை கூறினர். 

பொதுச்செயலாளர் முனைவர் துரை.சந்திரசேகரன் நீண்ட இடை வெளிக்குப் பிறகு ஆண்டி மடத்தில் தலைவர் பொதுக்கூட்டத்தில் உரையாற்ற வருகைதருவது நமக்கெல்லாம் மகிழ்ச்சியான செய்தியாகும். 90 வயதிலும்  நாட்டை சுற்றிச் சுற்றி மக்களுக்காக உழைக்கும் மகத்தான தலைவரின் சமூகநீதிப்பயணத்தை வெற்றிபெறச் செய்வது நமது கடமய்யாகும். இந்த நிகழ்சியை கிராமப்புற மாநாடு போல் நடத்திட வேண்டும் அதற்கு அனைவரும் ஒத்துழைப்பு அளிக்க வேண்டும் என்று விளக்கி சிறப்புரையாற்றினார். 

கழகப் பொறுப்பாளர்களும் தோழர்களும் கூட்டம் நடைபெற நிதி உதவி தருவதாக அறிவித்துள்ளனர். 

ப.சுந்தரமூர்த்தி நன்றி கூறினார். 

தீர்மானங்கள்

சமூக நீதியை பாதுகாக்கவும் திராவிட மாடல் ஆட்சியின் தத்து வத்தை விளக்கியும் பரப்புரை பயணம் மேற்கொள்ளும் தமிழர் தலைவர் ஆசிரியர் கி. வீரமணி அவர்களின் பெரும் முயற்சியை இந்த கலந்துரையாடல் கூட்டம் பாராட்டி, வரவேற்று, நன்றி தெரிவிக்கிறது.