மொழி என்பது நம்மைப் பொறுத்தவரையில் எழுத்தாக இல்லை, ரத்தமாக இருக்கிறது!

வட அமெரிக்கத் தமிழ்ச் சங்கப் பேரவை மாநாட்டில் காணொலியில் முதலமைச்சர் மு.க.ஸ்டாலின்

மொழி என்பது நம்மைப் பொறுத்த வரையில் எழுத்தாக இல்லை, ரத்தமாக இருக்கிறது. அந்த உணர்வோடுதான் நாம் கூடி இருக்கிறோம் என்றார் முதலமைச்சர் மு.க.ஸ்டாலின் அவர்கள்.

தமிழ்நாடு முதலமைச்சர் மு.க.ஸ்டாலின் நேற்று (02.07.2023) வட அமெரிக்கத் தமிழ்ச் சங்கப் பேரவை மாநாட்டில் (திமீஜிழிகி) காணொலி வாயிலாக கலந்து கொண்டு உரையாற்றினார்.

அவரது உரை வருமாறு:

வட அமெரிக்கத் தமிழ்ச் சங்கப் பேரவையின் தலைவர் முனைவர் பாலாசுவாமிநாதன் அவர்களே! செயலாளர் கிங்ஸ்லி சாமுவேல் அவர்களே!

வட அமெரிக்கத் தமிழ்ச் சங்கப் பேரவை மாநாடு

36 ஆவது பேரவை விழாவினுடைய ஒருங்கிணைப்பாளர் ஜான்பிரிட்டோ அவர்களே! இணை ஒருங்கிணைப்பாளர்  மலர்மகள் அகிலன் அவர்களே! எனதருமை நண்பர் ராம்பிரசாத் அவர்களே! என் உயிரோடு கலந்திருக்கக்கூடிய முத்தமிழறிஞர் தலைவர் கலைஞர் அவர்களின் அமெரிக்க வாழ் உடன்பிறப்புகளே!

உங்கள் அனைவருக்கும் வணக்கம்!

வட அமெரிக்கத் தமிழ்ச் சங்கப்பேரவையும் - சாக்ர மெண்டோ தமிழ்மன்றமும் இணைந்து நடத்தும் தமிழ் விழாவில் காணொலி மூலமாக கலந்துகொண்டு உங்களைச் சந்திப்பதில் நான் மிகுந்த மகிழ்ச்சி அடைகிறேன்.

தாய்த் தமிழ்நாட்டின் மீது பற்றும் ‘திராவிடமாடல்' நல்லாட்சியின்மீது நம்பிக்கையும் கொண்டு எனக்கு இந்த விழாவில் பங்கேற்று உரையாற்ற வாய்ப்பளித்த அனைவருக்கும் என்னுடைய நன்றியைத் தெரிவித்துக்கொள்ள விரும்புகிறேன்.

09.01.2023 அன்று நடந்த ‘‘உலகத் தமிழ் புத்தொழில் முதலீட்டாளர்கள்'' மாநாட்டினை நீங்கள் நடத்தியபோது அதிலும் காணொலி மூலமாக கலந்து கொண்டு நான் உரையாற்றினேன்.

பெட்னா (திமீஜிழிகி) அமைப்புடன் இணைந்து தமிழ்நாடு அரசின் விஷிவிணி துறையின் கீழ் இயங்கக்கூடிய டான்சிம் (ஜிகிழிஷிமிவி) நிறுவனம் அந்த மாநாட்டை நடத்தியது. உலகெங் கும் வாழும் முதலீடு செய்யும் சக்தி படைத்த தமிழர்கள் நம் தமிழ்நாட்டில் செயல்படும் புத்தொழில் நிறுவனங்களில் முதலீடு செய்யும் வாய்ப்பு மட்டுமல்லாது அவர்களுக்கு வழிகாட்டியாக செயல்பட வாய்ப்பு ஏற்படுத்தித் தரப்பட்டது.