പ്രത്യേക കാര്യസിദ്ധിക്ക് രാമായണ ഭാഗങ്ങൾ

രാമായണത്തിലെ സ്തുതികൾ

- തന്ത്രരത്നം പുതുമന മഹേശ്വരൻ നമ്പൂതിരി

ശ്രീരാമചന്ദ്ര സ്വാമിയുടെ കഥകൾ നാടെങ്ങും അലയടിക്കുന്ന പുണ്യമാസമായ കർക്കടകം മല യാള വർഷത്തിന്റെ അവസാനമാണ് . അതിനാൽ പിന്നിട്ടു പോകുന്ന ഒരു വർഷം ചെയ്ത പാപങ്ങളുടെ പ്രായശ്ചിത്ത കർമ്മങ്ങൾക്കും അടുത്ത വർഷത്തിന്റെ ശ്രേയസ്സിനും വിശ്വാസികൾ ഈ മാസം ഉപയോഗിക്കുന്നു.

കർക്കടകത്തിൽ എല്ലാദിവസവും രാവിലെ ഗണപതി ഹോമവും വൈകിട്ട് ഭഗവതിസേവയും ചില ക്ഷേത്രങ്ങളിൽ പതിവാണ്. കർക്കടകത്തിൽ ദിവസവും രാമായണത്തിലെ ഓരോ ഭാഗങ്ങൾ വീതം വായിച്ച് മാസാവസാനം ശ്രീരാമപട്ടാഭിഷേകംവായിച്ച് പൂർത്തിയാക്കുക മിക്ക വീടുകളിലെയും പതിവാണ്. സകല ദുഃഖങ്ങൾക്കും എല്ലാ ദോഷങ്ങൾക്കും ഏറ്റവും ലളിതമായ പരിഹാരമായി രാമായണ പാരായണത്തെ കരുതുന്നു. രാമായണത്തിലെ ഏഴുകാണ്ഡങ്ങളിൽ ഓരോ കാണ്ഡങ്ങൾക്കും ഓരോ ഫലങ്ങൾ പറഞ്ഞിട്ടുണ്ട്. എന്നാൽ പ്രത്യേക കാര്യസിദ്ധിക്ക് ഏത് സമയത്തും ചില രാമായണ ഭാഗങ്ങൾ വായിക്കാം;

 പാപശമനത്തിന് അഹല്യാമോക്ഷം

 രാമായണത്തിലെ ഭക്തിസാന്ദ്രമായ ഒരു ഭാഗമാണ്അഹല്യാമോക്ഷം. അതിശക്തമായ പാപദോഷം മാറുന്നതിനും പോലും ഈ ഭാഗം പാരായണം ചെയ്യുന്നത് നല്ലതാണ്. വ്യാഴാഴ്ച ദിവസം തുട ങ്ങി 18 ദിവസം രാവിലെ ഈ ഭാഗം പാരായണം ചെയ്യുക. മനഃശാന്തിക്കും ഗുണകരം.

അഹല്യസ്തുതി ക്ലേശങ്ങൾ അകറ്റും 

ഗൗതമപത്നിയായ അഹല്യ ശാപത്താൽ ശില യായി വർഷങ്ങളോളം കിടക്കുന്നു. ശ്രീരാമസ്വാ മിയുടെ പാദസ്പർശത്താൽ പാപമോചിതയായ അഹല്യ ശിലാരൂപം വെടിഞ്ഞ് സ്വരൂപം പ്രാപിച്ചു. പാപമോചിതയായ അഹല്യ ശ്രീരാമനെ സ്തുതിക്കുന്ന അഹല്യാസ്തുതി എന്ന ഭാഗം 28 ദിവസം2 നേരം പാരായണം ചെയ്താൽ ജീവിതത്തിലെ അലച്ചിലുകൾ, ക്ലേശങ്ങൾ നീങ്ങും. എല്ലാവിധ സുഖസൗകര്യങ്ങളും ഉണ്ടായിട്ടും ജീവിതത്തിൽ അലച്ചിലും കഷ്ടപ്പാടും തീരാത്ത വ്യക്തികളുണ്ട്.ഇക്കൂട്ടർക്ക് ഈ പ്രാർത്ഥനയിലൂടെ ജീവിതവിജ യം കൈവരിക്കാൻ സാധിക്കും.

ദുരിതശാന്തിക്ക് സ്വയം പ്രഭാ സ്തുതി 

 ജീവിതം വളരെ ദുരിതപൂർണ്ണമാകുമ്പോൾ ദുരിതശാന്തിക്കായി സ്വയം പ്രഭാസ്തുതി  പാരായണം ചെയ്യണം. സീതാന്വേഷണത്തിന് പോകുന്ന വാനരൻമാർ സ്വയംപ്രഭയുമായി കൂടി കാണുന്ന ഭാ ഗവും സ്വയംപ്രഭ രാമനെ സ്തുതിക്കുന്ന ഭാഗവും ആണ് പാരായണം ചെയ്യേണ്ടത്. വെള്ളിയാഴ്ച തുടങ്ങി 7 ദിവസമാണ് പാരായണം ചെയ്യേണ്ടത്. നെയ് വിളക്ക് തെളിയിച്ച് പാരായണം ചെയ്യണം.