സ്വപ്നം ഫലിക്കുന്നത് എപ്പോൾ

സ്വപ്നഫലം

- മീനാക്ഷി മുരളീധരൻ

സ്വപ്നം കാണാത്തവരായി ആരും ഉണ്ടാകില്ല. എന്നാൽ നാം കാണുന്ന എല്ലാ സ്വപ്നങ്ങൾക്കും അർത്ഥമുണ്ടെന്നും അത് സംഭവിക്കാൻ പോകുന്ന നല്ലതും മോശവുമായ കാര്യങ്ങളെക്കുറിച്ചുള്ള ചില സൂചനകളാണ് എന്ന് വേദശാസ്ത്ര വ്യാഖ്യാനങ്ങൾ പറയുന്നു. ഇതിഹാസത്തിലും പുരാണങ്ങളിലും എല്ലാം ദൈവ നിർദ്ദേശം സൂചനകളായി ലഭിക്കുന്നത് സ്വപ്നങ്ങളിലൂടെയാണ്. അത്തരത്തിലുള്ള ധാരാളം കഥകൾ നമുക്ക് ഇവയിൽ കാണാനുമാകും. സ്വപ്ന വ്യാഖ്യാനങ്ങളിലൂടെ നാം കാണുന്ന സ്വപ്നത്തിന്റെ അർത്ഥം പറഞ്ഞു തരാൻ കഴിയുന്നവർ പണ്ഡിതരും ഉണ്ട്.

സ്വപ്നത്തിൽ കാണുന്ന സ്ഥലങ്ങൾ, ആളുകൾ, മൃഗങ്ങൾ, മറ്റു ജീവികൾ, നിറം, വസ്തുക്കൾ, ദിക്ക്, സ്വപ്നത്തിലെ പ്രവർത്തികൾ തുടങ്ങിയവ ആധാരമാക്കിയാണ് ഈ ഫലം പറയുന്നത്. സ്വപ്നങ്ങളെക്കുറിച്ച് എല്ലാവർക്കും പല അഭിപ്രായങ്ങളുണ്ട്. ചിലർ സ്വപ്നങ്ങൾക്ക് കൂടുതൽ ശ്രദ്ധ കൊടുക്കാറില്ല. ശാരീരിക പ്രക്രിയ മാത്രമായ സ്വപ്നങ്ങൾക്ക് വലിയ ഫലമൊന്നുമില്ല എന്നവർ വിശ്വസിക്കുന്നു. എന്നാൽ ചിലർ സ്വപ്നങ്ങളെ കൂടുതൽ വിശ്വസിക്കുന്നവരാണ്. ഉപബോധ മനസുകളിൽ നിന്നുള്ള സന്ദേശമാണ് സ്വപ്നങ്ങളെന്നാണ് അവർ കരുതുന്നത്. ഭാവിയിലുണ്ടാകാൻ പോകുന്ന അനുഭവത്തെയാ ണ് ഓരോ സ്വപ്നങ്ങളും സൂചിപ്പിക്കുന്നത്. രാത്രി കണ്ട് പെട്ടെന്ന് മറക്കുന്ന സ്വപ്നങ്ങളുണ്ട്. അവ നിഷ്ഫലമാണ്. പ്രത്യേകിച്ച് ഫലമോ അനുഭവത്തിൽ വരികയോ ഇല്ല. എന്നാൽ പ്രഭാതത്തിൽ കാണുന്ന സ്വപ്നങ്ങളാണ് ഫലം തരുന്നത്. ഓരോ സ്വപ്നങ്ങളും വ്യത്യസ്തഫലങ്ങളാണ് നൽകുന്നത്.