ఉసరిగ యొక్క ధార్మిక మరియు ఆరోగ్య లాభాలు అద్భుతం !

ఆరోగ్య సంజీవని

పద్మ పురాణం యొక్క సృష్టి ఖండంలో శివ భగవానుడు కార్తికేయునితో అంటాడు: “ఉసరిగను తినడం వల్ల ఆయుష్షు పెరుగుతుంది. దాని నీటిని త్రాగడం వల్ల ధర్మ-సంచయం జరుగుతుంది అలాగే దాని ద్వారా స్నానం చెయ్యడం వల్ల దారిద్య్రం తొలగి పోతుంది, అన్ని రకాల ఐశ్వర్యాలు ప్రాప్తిస్తాయి. కార్తికేయా ! ఏ ఇంటిలో ఉసరిగ సదా నిలిచి ఉంటుందో అక్కడ దైత్యులు మరియు రాక్షసులు వెళ్ళరు. ఏకాదశి రోజు ఒకవేళ ఒకే ఒక్క ఉసరిగ లభించినా దాని ఎదుట గంగ, గయ, కాశీ, పుష్కర మొ॥ పుణ్యక్షేత్రాలకు ఎలాంటి ప్రత్యేకమైన మహత్తు ఉండదు.రెండు పక్షాల ఏకాదశులలో ఉసరిగతో స్నానం చేసేవారి అన్ని పాపాలు నశించిపోతాయి.”

ఆయుర్వేదం ఉసరిగను సర్వశ్రేష్ఠ రసాయనం (tonic) గా భావించింది. ధన్వంతరి ధన్వంతరి నిఘంటువును అనుసరించి 'ఉసరిగ త్రిదోషనాశక ఉత్తమ రసాయ నం.” ఇది నిత్య సేవనీయ ద్రవ్యం. ఏదైనా ఋతువు, ప్రకృతి, దేశం, కాలం, ఆయువు కొరకు ఉసరిగ పథ్యకరం. అంటుకట్టిన ఉసరిగల కంటే దేశవాళి ఉసరిగలు ఎంతో లాభదాయకంగా ఉంటాయి.

ఉసరిగలో అమృతసమానమైన గుణాలు ఉన్న కారణంగా దీనిని అమృతఫలం అని అలాగే మానవుల కొరకు మాతకు సమానమగు ఉపకారి కావడం వల్ల ధాత్రీఫలమని చెప్పడం జరిగింది.