ഫിസിക്സ് നോബലിൽ എത്തിനിൽക്കുന്ന നിർമ്മിത ബുദ്ധിയും മെഷീൻ ലേണിംഗ് ഗവേഷണങ്ങളും

ഭൗതികശാസ്ത്ര നോബൽ പുരസ്കാരം

- ഡോ. അനൂപ് കാടൻ ഡോ. മഞ്ജരി പി. ഗംഗൻ

നിർമ്മിത ബുദ്ധിയിൽ അധിഷ്ഠിതമായ ഒട്ടനവധി ഗവേഷണങ്ങൾ ലോക ശ്രദ്ധ പിടിച്ചുപറ്റിക്കൊണ്ടിരിക്കെയാണ് ഈ വർഷത്തെ, 2024-ലെ ഭൗതികശാസ്ത്ര നോബൽ പുരസ്കാരത്തിന് അമേരിക്കയിലെ പ്രിൻസ്റ്റൺ സർവകലാശാലയിലെ ജോൺ ജെ. ഹോപ്പ് ഫീൽഡ്, കാനഡയിലെ ടൊറന്റോ സർവകലാശാലയിലെ ജെഫ്രി ഇ. ഹിന്റൺ എന്നിവർ അർഹരായത്. ആർട്ടിഫിഷ്യൽ ന്യൂറൽ നെറ്റ്വർക്കു കൾ അടിസ്ഥാനമാക്കിയുള്ള മെഷീൻ ലേണിംഗ് രംഗത്തെ ഗവേഷണങ്ങൾക്കാണ് ഇരുവരും ഈ പുരസ്കാരം പങ്കിട്ടത്. ഭൗതികശാസ്ത്രത്തിനു പുറമെ രസതന്ത്രത്തിലെ നോബൽ പുരസ്കാരവും നിർമ്മിതബുദ്ധി ഗവേഷണവുമായി ബന്ധപ്പെട്ടു കിടക്കുന്നു. വിവിധങ്ങളായ വിമർശനങ്ങൾ ഇതേത്തുടർന്ന്ഉരുത്തിരിഞ്ഞു വരുന്നെങ്കിലും, ഇത്തിരിനേരം നമുക്ക് മെഷീൻ ലേണിംഗ് അൽഗോരിതമായ ആർട്ടിഫിഷ്യൽ ന്യൂറൽ നെറ്റ് വർക്കുകളെക്കുറിച്ച് ചർച്ചചെയ്യാം.

ബയോളജിക്കൽ ന്യൂറൽ നെറ്റ്വർക്ക്