સફળ બોલર: ઝૂલન ગોસ્વામી

વન ડે ક્રિકેટના ઈતિહાસમાં સૌથી વધારે વિકેટ લેનારની યાદીમાં અગ્ર ક્રમાંક ધરાવે છે..

જન્મસ્થળ ચકદાહાથી કોલકાતાના સ્ટેડિયમ સુધી તે ભીડભાડવાળી લોકલ ટ્રેન પકડતી અને આ અઢી-ત્રણ કલાકની મુસાફરીમાં ટ્રેનના દરવાજા પર ઊભા રહીને દરરોજ પ્રેક્ટિસ માટે પહોંચતી હતી.

ઝૂલન ગોસ્વામીનો જન્મ ૨૫ નવેમ્બર, ૧૯૮૨માં પશ્ચિમ બંગાળના નદિયા જિલ્લાના ચકદાહા શહેરમાં એક મધ્યમવર્ગીય પરિવારમાં થયો હતો. તેમના પિતાનું નામ નિશિત ગોસ્વામી અને માતાનું નામ ઝરણા ગોસ્વામી છે. તેમને એક ભાઈ પણ છે જેનું નામ કુનાલ ગોસ્વામી છે. ઝૂલને ૧૫ વર્ષની ઉંમરે ક્રિકેટ રમવાનું શરૂ કર્યું હતું. ક્રિકેટમાં શરૂઆત કરતા પહેલાં તે ફૂટબોલ પસંદ કરતી અને રમતી હતી.

તે પછી ૧૯૯૭ની મહિલા ક્રિકેટ વર્લ્ડકપ ફાઈનલ મેચ જે કોલકાતાના ઈડન ગાર્ડન મેદાન પર રમાઈ હતી, તેમાં ઝૂલન એક બોલગર્લનું કામ કરી રહી હતી. મેચ જીત્યા પછી ઓસ્ટ્રેલિયન ખેલાડીના વિક્ટ્રી લેપને જોયા પછી તેમણે આ રમતમાં વધારે રસ લેવાનું શરૂ કર્યું અને ભારત માટે વર્લ્ડકપ જીતવાનું સપનું જોવા લાગી.

સરળ નહોતું સપનું પૂર્ણ કરવું