હોકી પ્લેયર: રાણી રામપાલ

અનેક મુશ્કેલીમાં હિમત બુલંદ હોય તો કોઈપણ સપનું સાકાર કરી શકાય..

હોકીની શાનદાર ખેલાડી રાણી રામપાલનું જીવન મહિલાઓને એ સંદેશ આપે છે કે પરિસ્થિતિઓ કોઈપણ હોય, હિંમત બુલંદ હોય તો કોઈપણ સ્થિતિ સામે લડીને બહાર આવી શકાય છે. હરિયાણાના કુરુક્ષેત્ર જિલ્લાના શાહબાદમાં એક ગરીબ પરિવારમાં ૪ ડિસેમ્બર, ૧૯૯૪ના જન્મેલી રાણી રામપાલના પિતા પરિવારનું ગુજરાન ચલાવવા ઘોડાગાડી ચલાવતા હતા. આખા દિવસમાં મુશ્કેલીથી ૧૦૦ રૂપિયા તેમની કમાણી થતી. પિતાની આર્થિક સ્થિતિ ખરાબ હોવાના કારણે રાણીનું સ્કૂલમાં એડમિશન ખૂબ મુશ્કેલીથી થયું. રાણીએ પિતાને હોકી રમવાની ઈચ્છા જણાવી, પરંતુ પિતા તૈયાર ન થયા. તે સમયે યુવતીઓનું હાફ પેન્ટ પહેરીને હોકી રમવું ખૂબ મોટી વાત હતી. જે લોકાલિટીમાં તેમનો પરિવાર રહેતો હતો ત્યાં દીકરીઓ હાફ પેન્ટ પહેરવાનો તો પ્રશ્ન જ નથી. રાણીના ખૂબ જિદ કર્યા પછી તેમના પિતાએ રાણીનું એડમિશન શાહાબાદ હોકી એકેડમીમાં કરાવી દીધું.