મોનસૂન હેર એન્ડ સ્કિન કેર

મોનસૂનમાં વાળ અને સ્કિનની સુંદરતાને જાળવવાની કેટલીક અદ્ભુત ટિપ્સ.

મોનસૂનની મોસમમાં સ્કિન સંબંધિત ઘણી સમસ્યા પેદા થાય છે. ભેજના લીધે સ્કિન પર અનેક પ્રકારના બેક્ટેરિયા, ફંગસ તથા બીજા કેટલાક ઈફેક્શન થવા લાગે છે. તેની સાથે મોનસૂનના પહેલા વરસાદમાં એસિડની માત્રા વધારે હોય છે, જેથી સ્કિન અને વાળને વધારે નુકસાન થતું હોય છે. આ સ્થિતિમાં મોનસૂન દરમિયાન કેટલીક બાબતની કાળજી લેવાથી સ્કિન અને વાળની સમસ્યાથી બચી શકાય છે.

મોનસૂનમાં સ્કિનની સંભાળ

સફાઈ અથવા ક્લીઝિંગ: વરસાદના પાણીમાં રસાયણ હોય છે, તેથી મોનસૂનમાં સ્કિનની યોગ્ય રીતે સાફસફાઈ ખૂબ જરૂરી બની જાય છે. મેકઅપને દૂર કરવા માટે મિલ્ક ક્લીંઝર અથવા મેકઅપ રિમૂવરનો ઉપયોગ કરવો જોઈએ. સ્કિન પરથી અશુદ્ધિને સાફ કરવાથી સ્કિનના રોમ છિદ્રો ખૂલી જાય છે. સાબુનો ઉપયોગ કરવાના બદલે ફેસિયલ, ફેસવોશ, ફોમ વગેરેને વધારે અસરકારક માનવામાં આવે છે.

ટોનિંગ: ક્લીંઝિંગ પછી ટોનિંગનો પ્રયોગ કરવો જોઈએ. મોનસૂન દરમિયાન અનેક વાયુજન્ય અને પાણીજન્ય માઈક્રોબ્સ પેદા થાય છે, તેથી સ્કિન ઈફેક્શન તથા સ્કિનને ફાટવાથી બચાવવા એન્ટિ બેક્ટેરિયલ ટોનર વધારે ઉપયોગી છે. કોટન બડનો ઉપયોગ કરીને સ્કિન પર ધીરેથી ટોનર લગાવો. જો સ્કિન વધારે શુષ્ક હોય તો ટોનરનો ઉપયોગ ન કરવો જોઈએ, પરંતુ હા, ખૂબ માઈલ્ડ હોય તેવા ટોનરનો પ્રયોગ કરી શકાય છે. તે ઓઈલી તથા ખીલની સ્કિન પર સારું કામ કરે છે.

મોઈશ્ચરાઈઝર: ગરમીની જેમ વરસાદમાં પણ મોઈશ્ચરાઈઝિંગ જરૂરી છે. મોનસૂનના લીધે સૂકી સ્કિન પર ડિમોઈશ્ચરાઈઝિંગ પ્રભાવ પડી શકે છે તથા ઓઈલી સ્કિન પર તો ઓવર હાઈડ્રેટિંગ પ્રભાવ પડે છે. ચોમાસામાં વાતાવરણમાં ભેજ હોવ છતાં સ્કિન સંપૂર્ણ રીતે ડિહાઈડ્રેટ થઈ શકે છે, પરિણામે સ્કિન નિસ્તેજ થઈને પોતાની ચમકે ગુમાવી દે છે.