શું છે ફિટનેસમાં બાયોહેકિંગ

મેગેઝિનમાં બાયોહેકિંગ વિશે વાંચ્યું અને તેના જીવનનીદિશા જ બદલાઈ ગઈ.

30 વર્ષની શૈલી એક એડવર્ટાઈઝિંગ કંપનીમાં કામ કરે છે. તેને હંમેશાં કંઈ ને કંઈ ખાતા રહેવાની ટેવ હતી.

સવારે ઊઠતા જ તેનું ખાવાનું શરૂ થઈ જતું હતું. રાત્રે ૧૨ વાગ્યા સુધી તે ચાઉમિન વગેરે બનાવીને ખાતી રહેતી. તે પોતાના વધેલા વજન અને ખરતા વાળના લીધે ખૂબ પરેશાન રહેતી હતી. ચહેરા પર હંમેશાં ટેશનની રેખાઓ ખેંચાયેલી રહેતી હતી. આ બધાની અસર તેના કામ પર પણ થતી હતી. પછી તેણે એક મેગેઝિનમાં બાયોહેકિંગ વિશે વાંચ્યું અને તેના જીવનની દિશા જ બદલાઈ ગઈ.

શૈલી એક ન્યૂટ્રિશનિસ્ટને મળી જેણે તેને ઈન્ટરમિટેટ ફાસ્ટિંગ ડાયટ સજેસ્ટ કર્યું. તેને રાત્રે ૭ વાગ્યાથી સવારે ૧૧ વાગ્યા સુધી કંઈપણ ન ખાવાનો નિર્દેશ આપ્યો. તે પછી ૮ કલાક તે કંઈપણ ખાઈ શકતી હતી.

શૈલીએ પોતાની દિનચર્યામાં પરિવર્તન શરૂ કર્યું. તેણે એ વાતનો વિચાર મૂક્યો કે તેના શરીરને યોગ્ય કેલેરી અને દરેક પ્રકારનાં પૌષ્ટિક તત્ત્વો મળે. એક્સર્સાઈઝ અને મેડિટેશનને દિનચર્યાનો નિયમિત ભાગ બનાવી લીધો. ગેજેટ્સ, ટીવી અને મોબાઈલ વગેરેને બેડરૂમથી દૂર રાખવા લાગી.