મોનસૂનનો મિલેટ્સ સાથે સંબંધ

મોનસૂનમાં ડાયેટિશિયન દરેક વ્યક્તિને દૈનિક આહારમાં મિલેટ્સ સામેલ કરવાની સલાહ આપે છે. કેમ, તમે પણ જાણો...

- સોમા ઘોષ .

આજકાલ સ્વાસ્થ્યને લઈને લોકોમાં જાગૃતતા વધી છે. નિયમિત વર્કઆઉટ કરવું તેમની દિનચર્યામાં સામેલ થયું છે, પણ તેમના ડાયટમાં જાગૃતતાની કમી છે, કારણ કે આજના યુવા જંક ફૂડ પર વધારે ખાય છે. તેમને ઘરે બનેલું ભોજન ભાવતું નથી. એવામાં નાની ઉંમરમાં તેમને સ્થૂળતા, કોલેસ્ટ્રોલ, બ્લડપ્રેશર વગેરે અનેક બીમારી ઘેરી લે છે, જેમાંથી બહાર નીકળવું તેમના માટે મુશ્કેલ હોય છે.

એવામાં આજે ડાયેટિશિયન દરેક વ્યક્તિ મિલેટ્સને દૈનિક જીવનમાં સામેલ કરવાની સલાહ વારંવાર આપે છે. મિલેટ્સ એટલે જાડું અનાજ. આ ૨ પ્રકારના હોય છે - મોટા દાણા અને નાના દાણા. મિલેટ્સની કેટેગરીમાં બાજરી, રાગી, બેરી, ગંગોરા, કુટકી, ચણા અને જવ વગેરે આવે છે.

જાગૃતતા જરૂરી

આ વિશે ક્લિનિકલ ડાયેટિશિયન હેતલ વ્યાસ જણાવે છે કે મિલેટ્સ ઈમ્યૂનિટી બૂસ્ટરનું કામ કરે છે. ૨૦૨૩ માં સરકારે ‘મિલેટ્સ યર’ જાહેર કર્યું છે, જેથી લોકોમાં મિલેટ્સ પ્રત્યે જાગૃતિ વધે. મિલેટ્સમાં કેલ્શિયમ, આયર્ન, ઝિંક, ફોસ્ફરસ, મેગ્નેશિયમ, પોટેશિયમ, ફાઈબર, વિટામિન બી-૬ ઉપલબ્ધ હોય છે.