એરિયલ એક્સર્સાઈઝ ફિટનેસનો નવો ટ્રેન્ડ

બોલીવુડ એક્ટ્રેસ જેવા દેખાવા ઈચ્છતા હોય, તો એરિયલ એક્સર્સાઈઝના લાભ જરૂર જાણો...

- સુનીલ શર્મા

એરિયલ એક્સર્સાઈઝને એન્ટિગ્રેવિટી ફિટનેસના નામથી પણ ઓળખવામાં આવે છે. તેમાં એક્સર્સાઈઝનો અભ્યાસ હવામાં લટકીને કરવામાં આવે છે. આ એક્સર્સાઈઝને કરવા માટે સૌપ્રથમ કોઈ કપડાને બરાબર મજબૂતાઈથી છત વગેરે સાથે બાંધી દેવામાં આવે છે અને ત્યાર પછી તે કપડાને શરીર પર લપેટીને અલગઅલગ એક્સર્સાઈઝ પોઝ કરવામાં આવે છે, પરંતુ પ્રશ્ન એ છે કે આ એરિયલ ફિટનેસ છે શું? તેના લાભ કયા છે? શું ફિટનેસનો આ ટ્રેન્ડ ફીમેલ્સ માટે લાભદાયી છે? આ બધા વિશે જાણી લેવું ખૂબ જરૂરી છે.

એક્રોબેટિક ફીલ

ફિલ્મ સ્ટાર ટાઈગર શ્રોફના પર્સનલ કોચ અને ફિટનેસ કંસલ્ટન્ટ જિલેસિંહે જણાવ્યું છે કે આ એક પ્રકારની સ્કિલ છે. જેવું કે તમે સાઈકલ ચલાવતા શીખો છો અને ત્યાર પછી તેને એન્જોય કરો છો, તેવી જ રીતે તેમાં થોડું થ્રીલ હોય છે અને થોડું ફન પણ હોય છે. તેમાં આપણે હવામાં । લટકીને ગ્રેવિટીની અર્ગેસ્ટ જઈને એક્સર્સાઈઝના અલગઅલગ પોઝ કરતા હોઈએ છીએ.

“આ ફોર્મમાં એક સિલ્કના કપડાનો ઉપયોગ કરવામાં આવે છે, જે નાયલોન નાયક્રાથી બનેલું હોય છે અને ખૂબ મજબૂત રહે છે. આ કપડું ખૂબ ફ્લેક્સિબલ પણ હોય છે. તેનાથી બોડીમાં કોઈ ઝાટકો પણ નથી લાગતો.”