તો બાળકો રહેશે હેલ્થિ એન્ડ ફિટ

બાળકોના સારા વિકાસ માટે બેલેંસ્ડ ડાયટ હોવું કેમ જરૂરી છે, જાણો એક્સપર્ટ પાસેથી...

- પ્રિયંકા યાદવ

બાળકોને વિકાસ માટે પ્રોટીન, કેલ્શિયમ, ચરબી, આયર્ન, વિટામિન અને ઝિંક જેવા પોષક તત્ત્વોની જરૂર હોય છે. આ બધા પોષક તત્ત્વો ફિઝિકલ અને મેન્ટલ ગ્રોથની સાથેસાથે ઊંચાઈ વધારવામાં પણ હેલ્પ કરે છે, તેથી દરેક બાળકના ખોરાકમાં વિટામિન્સ સામેલ કરવા ખૂબ જરૂરી છે.

ફાયદાકારક આહાર

બાળકોને એવો ખોરાક આપો જે તેમની બોડીનો ગ્રોથ કરે જેમ કે દૂધ, ઓછી ફેટવાળું દહીં, બટર, ઈંડાં, મીટ (ઓછા પ્રમાણમાં), ફિશ, લીલા શાકભાજી, ફળ, ડાયફ્રૂટ્સ, માખણ વગેરે. તે ઉપરાંત બાળકોને ઓર્ગેનિક શાક પણ આપવા જોઈએ. પ્રયત્ન કરો કે તમે જે ફળ અને શાક બાળકોને આપો તે આર્ગેનિક હોય. જે તેમની હેલ્થ માટે ખૂબ ફાયદાકારક છે.

આ વિશે ડફરિન હોસ્પિટલના ચાઈલ્ડ સ્પેશિયાલિસ્ટ ડોક્ટર સલમાનનું કહેવું છે, બાળકોના સારા વિકાસ માટે તેમના ડાયટ પર ખાસ ધ્યાન આપવું જોઈએ. નાની ઉંમરમાં તેમના આહારને ફેન્સી ન રાખો. તમે બાળકો માટે કંઈક બનાવી રહ્યા છો તો એવો આહાર પસંદ કરો, જેમાં પ્રોટીન, આખું અનાજ, શાક, ફળ, દૂધ અથવા દૂધમાંથી બનેલા ખાદ્યપદાર્થ હોય, જેમ કે વેજિટેબલ સેન્ડવિચ, સફરજન, દાડમ, દૂધ આ બધી વસ્તુ બાળકો માટે પૌષ્ટિક હોય છે, તેથી દરેક બાળકના ડાયટમાં તેનું હોવું ખૂબ જરૂરી છે.

બાળકોને આપો પ્રોટીનનો સાથ

બાળકોને એવો ખોરાક આપો, જે પ્રોટીનથી ભરપૂર હોય. આ તેમના પોષણ માટે ખૂબ જરૂરી છે જેમ કે દૂધ, દાળ, ચણા, ઠંડાં, દહીં, મગફળી, પનીર, નોનવેજ ફૂડ, બદામ વગેરે. જો તમારું બાળક ખાવામાં આનાકાની કરે છે તો તમે અનેક રીતે પ્રોટીનની ઊણપ પૂરી કરી શકો છો. તમે બેક્ડ ચિકન, દહીં, સ્વિંગ પનીર અથવા ફ્રેશ શાકની સ્લાઈસ સાથે બાળકો માટે શાનદાર, પૌષ્ટિક અને સ્વાદિષ્ટ સ્નેક્સ બનાવી શકો છો. તેમાં ફિશ ફિંગર પણ એક સારી ચોઈસ છે. ધ્યાન રાખો માછલીના કાંટા પહેલાં જ કાઢી લો, નહીં તો તે બાળકોના ગળામાં ફસાઈ શકે છે. રાવસ, અહિ અને બંગડા પ્રોટીન અને ઓમેગા ૩ થી ભરપૂર માછલીઓ છે.