இல்லத்தரசிகளின் பெருமை!

“இல்லத்தரசிகளின்‌ அருமை பெருமைகளை தெரிந்து கொள்வோம்‌.”

- ப.கீதா

தொலைகாட்சியில் ஒரு பிரபல விளம்பரத்தை பார்த்திருப்பீர்கள். தோழிகள் இருவர் நீண்ட நாட்களுக்குப் பிறகு சந்தித்து கொள்வார்கள். ஒருத்தி இன்னொருத்தியிடம் கேட்கிறாள், "இப்போது நீ என்ன செய்து கொண்டிருக்கிறாய்?" அவள் பெருமையோடு சொல்கிறாள், "நான் வங்கியில் பணியாற்றிக் கொண்டிருக்கிறேன் என்று..." "நீ என்ன செய்கிறாய் என்று தோழி திருப்பி கேட்டாள் அதற்கு அந்த பெண் தயங்கி தயங்கி நான் வெறும் ஹவுஸ் வைஃபாகத்தான் இருக்கிறேன்'' என்றாள். இந்த விளம்பரத்திலிருந்து ஹவுஸ் வைஃப் என்பவள் சமூகத்தில் எவ்வளவு குறைவாக மதிப்பிடப்படுகிறாள் என்பது தெரிய வருகிறது. மேலும் தான் ஒரு ஹவுஸ்வைஃப் என்பதில் பெண்களுக்கும் ஒருவித தாழ்வு மனப்பான்மை இருந்து வருகிறது.

ஹவுஸ் வைஃப் வேலை என்பது ஒரு நாள் முழுவதும் செய்யக் கூடியது. அவர்களுக்கு வார விடுமுறை

கிடையாது. ஏன் வருட விடுமுறை கூட கிடையாது. இன்கிரிமென்ட், போனஸ், புரொமோஷன் எதுவுமே கிடையாது.

ஒரு குறைந்தபட்ச பாராட்டு கூட கிடையாது. எவ்வளவு கொடுத்தாலும் யாரும் திறமையாக செய்ய முடியாத வேலை வீட்டு வேலை என்பது அவ்வளவு சுலபமான வேலையில்லை.

ஆயிரமாயிரமாக கொட்டிக் கொடுத்தாலும் யாராலும் ஒரு இல்லத்தரசியை போல திறமையாக ஒரு வேலையை செய்து விட முடியாது.