స్కిన్ కేర్ రొటీన్ 2024

న్యూ ఇయర్లో మెరిసిపోయే చర్మంతో నవ యవ్వనంగా కనపడాలంటే ఈ ఉపాయాలు తప్పక పాటించండి...

- - గరిమా పంకజ్ •

మనమంతా కొత్త ఏడాదికి స్వాగతం  పలికేందుకు చాలా ఆత్రుతగా ఉంటాం. ఎందుకంటే న్యూ ఇయర్ ఎన్నో కొత్త అవకాశాలను తీసుకొస్తుంది. మన లోపల ఆత్మవిశ్వాసం, ఏదైనా సాధించాలనే ధైర్యాన్ని సృష్టిస్తుంది. కొత్త సంవత్సరం కోసం అనేక ప్రణాళికలు రూపొందిస్తాము. న్యూ ఇయర్ సందర్భంగా అనేక పార్టీలకూ అటెండ్ అవుతుంటాం. మీరు గనక న్యూ ఇయర్ తోపాటు ఇతర వేడుకల్లో బంధుమిత్రులు, కుటుంబ సభ్యులతో విహరించే ప్లాన్ పెట్టుకున్నట్లయితే ఇప్పటి నుంచే రెడీ అవ్వండి.ఇతర విషయాలతోపాటు స్కిన్ కేర్ రొటీన్ని ఫాలో కావటం మొదలుపెట్టాలి. దీనివల్ల మీ ముఖంలో ప్రత్యేకమైన గ్లో వస్తుంది, అందంగా మెరిసిపోతారు. కొత్త ఏడాదిలో మెరుపు లాంటి నలుగురిలో మిమ్మల్ని ప్రత్యేకంగా నిలుపుతుంది.

ముఖంలో గ్లో కోసం రోజూ మీ షెడ్యూల్డ్ కొన్ని స్టెప్స్ పాటించాలి. దీని గురించి సెలబ్రిటీ మేకప్ ఆర్టిస్టు గుంజన్ అఘేరా పటేల్ ఇక్కడ కొన్ని ఉపాయాలు చెబుతున్నారు. మీరు న్యూ ఇయర్లో అందరికంటే ఎక్కువ గ్లోతో కనపడాలంటే ఒక్కొక్కటిగా పాటించాల్సిన ఉపాయాలివి...

ఎక్స్ఫోలియేట్ చేయించుకోండి : చర్మంపైన బ్లాక్ లేదా వైట్ హెడ్స్ ఎక్కువగా ఉన్నా, డెడ్ స్కిన్ కారణంగా ముఖం డల్లుగా కనపడుతున్నా, దీన్నుంచి కాపాడుకోటానికి ఎక్స్ఫోలియేషన్ తప్పక చేయించాలి. కొత్త సంవత్సరంలో ముఖంలో వెలుగు నింపాలంటే ఇది చాలా ముఖ్యమైన ఉపాయం. ఎక్స్ఫోలియేషన్ కోసం మీరు స్క్రబ్నివాడొచ్చు. ఇంట్లోనే సొంతంగా దీన్ని చేసుకోవచ్చు.