మీ బాల్కనీని పూల తోటగా మార్చుకోండి

ఇంటి పైకప్పు అయినా, బాల్కనీ అయినా ఈ గార్డెనింగ్ చిట్కాలు అమలు చేస్తే ఏడాది పొడవునా మీ ఇంటిని పూల సువాసనతో గుబాళింప చేస్తాయి.

ప్ర తి ఒక్కరూ తమ జీవితంలో ఎప్పుడైన తమదైన, ప్రత్యేకమైన బంగ్లా ఉండాలని కోరుకుంటారు.ఆ బంగ్లా వెలుపల పొడవైన బాటిల్పామ్ చెట్లు ఉండాలని, ఆ చెట్ల ఆకులలో నుంచి సూర్య కాంతి వెదజల్లాలని, ఇంటి ద్వారానికి మరోవైపు ఎర్రటి గూల్ మొహర్ పూలు చెట్టు ఉండాలని తుజీ, చాందినీ పూల నుంచి చల్లదనం ప్రసరించా లని ఆశిస్తుంటారు. అలాగే ఇంటికి దారి తీసే రోడ్డు సమీపంలో గులాబీ రంగు బోగన్ విలియా ఫెన్స్ ఉండాలనుకుంటారు.

బిల్డింగ్ కాంపౌండ్ వాల్పై కుండీల్లో యాస్పారాగస్, చైనా గడ్డి, అంబ్రెల్లా పామ్, ఫింగర్ పామ్, చైనా పామ్, పత్తర్ చట్టా (బ్రాయోఫైలం సింగోనియమ్), ఎవర్ గ్రీన్, ఐవీ, ఆర్నమెంటల్ డెఫన్ బేసియా, కాలాడియమ్, పీప్రోమియా లాంటి సువాసన వెదజల్లే పూల మొక్కలు పెట్టాలనుకుంటారు.

వావ్, నిజంగా ఎంత పచ్చదనం! కాంపౌండ్ వాల్ ఈ అలంకార మొక్కలతో ఇంత పచ్చగా ఉంటుందా? తలచుకుంటేనే పులకించిపోతుంది.పైగా గేటు తెరిచి లోపలికి రమ్మని మౌనంగా ఆహ్వానం పలుకుతున్నట్లుగా రజనీగంధ సుగంధ పరిమళం!

ఇక్కడి గులాబీలు, పసుపు రంగు బంతిపూల వాసన మిమ్మల్ని మత్తెక్కిస్తూ ఉంటుంది. మీరు ఇలాంటి మృదువైన పచ్చని లాన్లోకి అడుగు పెట్టినప్పుడు దాన్ని ఆస్వాదించారని తప్పకుండా చెబుతారు తోట అంటే నిజంగా ఇలా ఉంటుంది అని.

అయితే ఇప్పుడు అందరికి కావాలంటే కుదరదు. ఎందుకంటే నగరాల్లో భూమి కొరత కారణంగా ఇంట్లో తోటలు వేయడం వీలు కాదు. మీరు ఫ్లాట్లలో నివసిస్తూ ఉన్నట్లయితే మీ బాల్కనీలో, ఇంటి లోపల, లేదా సొసైటీతో కలిసి బంగ్లాలో ఆహ్లాదకర వాతావరణం సృష్టించుకో వచ్చు. స్థలం ఉన్న వాళ్లు చిన్నా పెద్ద ప్లాట్లలో ఈ రకమైన మొక్కలు పెంచుకుని ఆనందించవచ్చు.

సమాచారాన్ని సేకరించండి

మీ ఊహలను వాస్తవంలోకి తీసుకు రావడానికి కావలసిన సమాచారాన్ని పూర్తిగా సేకరించండి. మీరు దీన్ని ఉద్యానవన సంబంధిత టీవీ కార్యక్రమాలు, యూట్యూబ్, ఇంటర్నెట్ లేదా స్నేహితుల నుంచి పొందవచ్చు.

పూల మొక్కల ఎంపిక