ரீல்ஸ் அழக்கள்...

சோஷியல் மீடியா பயன்பாடு நாளுக்கு அதிகரித்து வரும் சூழலில் குழந்தைகள் முதல் பெரியவர்கள் வரை செல்போனும் கையுமாகத் தான் தங்கள் பொன்னான நாளை தொடங்குகிறார்கள்.

- தவா

வில்லங்க சேட்டைகள்?

வாட்ஸ்-அப், பேஸ்புக், இன்ஸ்டாகிராம் போன்ற செயலிகள் வாழ்வின் அங்கமாக மாறி விட்டன.

புகழ் எனும் போதைக்கு அடிமையான இன்றைய தலைமுறையினர் எதையாவது செய்து பிரபலமாகி விட வேண்டும் என்று துடிக்கிறார்கள். முன்பெல்லாம் கோடம்பாக்கம் ஏரியாவில், வட பழனி ஏ.வி.எம். ஸ்டூடியோ வாசலில் பட வாய்ப்புக்காக காத்திருந்தவர்கள், இப்போது ரீல்ஸ் போட்டு சப்ஸ்கிரைபர்களை சேர்த்து அதன் மூலமே பிரபலமாகி பட வாய்ப்புகளை பெற்று விடுகின்றனர்.

இன்றைய இன்ஸ்டா ரீல்ஸ்'க்கு முன்னோடியாக இருந்தது டப் ஸ்மாஷ் தான். சீனாவின் டிக்டாக் செயலி இந்தியாவில் தடை செய்யப்பட்ட பிறகு தான், இன்ஸ்டாகிராமில் ரீல்ஸ் என்ற புதிய ஆப்ஷன் சேர்க்கப்பட்டது.

அதுவரை புகைப்படங்களை ஷேர் செய்ய மட்டுமே பயன்படுத்தி வந்த இன்ஸ்டா, ரீல்ஸ் சேர்க்கப்பட்ட பிறகு பிரபலமாகி விட்டது. தினசரி ரீல்ஸ் வீடியோக்களை பதிவேற்றம் செய்தே பலர் சோஷியல் மீடியா இன்புளுயன்சர் ஆகி அதன் மூலம் வருமானமும் பார்க்க ஆரம்பத்து விட்டனர்.

நடனம், நகைச்சுவை, மாடலிங் என பல கேட்டகரியில் வீடியோ போட்டு பாப்புலர் ஆகின்றனர். இது போன்ற ரீல்ஸ் மூலம் மக்கள் மத்தியில் பிரபலம் ஆனவர்கள் இப்போது சின்னத்திரை, வெள்ளித்திரைகளை கலக்கிக் கொண்டிருக்கின்றனர்.

பிரபலமான நடிகர்கள் கூட இப்போதெல்லாம் தங்கள் படங்களின் புரமோஷனுக்காக சோஷியல் மீடியா இன்புளுயன்சர்கள் உதவியை நாடுகின்றனர். அதே சமயம், வித்தியாசமான ரீல்ஸ் செய்கிறேன் என தங்கள் வாழ்க்கையை அழித்துக் கொண்டவர்களும் பலர் உண்டு.

ஆம்... சோஷியல் மீடியாவில் புகழ் தேடி வாய்ப்புகளை அடைந்தவர்கள், வாழ்க்கையைத் தொலைத்தவர்கள் என நான்கு கேட்டகரியில் பிரித்துக் கொள்ளலாம்.

முதல் கேட்டகரியில், இன்ஸ்டா பிரபலமாக இருந்து திரையுலகில் தடம் பதித்த மிருணாளினி ரவி, வர்ஷா பொல்லம்மா போன்றவர்களை சொல்லலாம்.

பாண்டிச்சேரியில் வசிக்கும் தமிழ் குடும்பத்தில் பிறந் மிருணாளினி ரவி, பெங்களூர் கல்லூரியில் பொறியியல் படிப்பை முடித்தவர்.

கல்லூரி படிப்பை முடித்துவிட்டு ஐ.பி.எம் நிறுவனத்தில் சாப்ட்வேர் இன்ஜினியராக பணிபுரிந்தவர் பிறகு மாடலிங்கில் கவனம் ஈர்க்கப்பட்டு தன் வேலையை ராஜினாமா செய்தார்.