நடிகை காதம்பரியும் காவல் அதிகாரிகளும்?

சினிமா நடிகைகளுக்கு இந்த சமூகம் பாதுகாப்பாக உள்ளதா? என்ற கேள்விக்கு இப்போதும் மவுனமே பதிலாக கிடைக்கிறது. சினிமாவைத் தாண்டி அரசியல் மட்டத்திலும் நடிகைகள் பல்வேறு சிக்கல்களை எதிர்கொள்கின்றனர். இந்நிலையில், மூத்த ஐ.பி.எஸ். அதிகாரிகளே சிறையில் வைத்து தனக்கு செக்ஸ் டார்ச்சர் கொடுத்ததாக ஒரு நடிகை பரபரப்பு குற்றச்சாட்டை எழுப்பி ஆந்திர மாநில அரசியலில் சூட்டைக் கிளப்பியுள்ளார்.

மும்பையைச் சேர்ந்த நடிகையும் மாடலுமான காதம்பரி ஜெத்வானி. குஜராத்தை பூர்வீகமாகக் கொண்டவர். இவரது சொந்த ஊரான அகமதாபாத்தில் பள்ளிப் படிப்பை முடித்தார். படிக்கும் போதே கலைத்துறையில் இருந்த ஆர்வம் காரணமாக, பரதநாட்டியம் உள்ளிட்ட நடனக் கலைகளை கற்றுத் தேர்ந்தார். இவரது குடும்ப உறுப்பினர்கள் பலரும் மருத்துவர்கள் தான். காதம்பரியின் தாத்தா, மருத்துவராக இருந்து ஓய்வு பெற்ற போது, அப்போதைய குஜராத் முதல்வராக இருந்த இந்நாள் பிரதமர் நரேந்திர : மோடி, பாராட்டுக் கடிதம் |ஒன்றை அனுப்பியுள்ளார்.

அந்த வழியில் நடிகை காதம்பரியும் மருத்துவப் படிப்பில் சேர்ந்து தேர்ச்சி பெற்றாலும், சினிமா மீது இருந்த ஆர்வம் காரணமாக, நடிப்பு பயிற்சியில் ஈடுபட்டார்.

நிறைய ஆடிஷனில் கலந்து கொண்டவருக்கு பாலிவுட்டில் வெளியான 'சித்தா அடா' என்ற திரைப்படம் மூலம் சினிமாத்துறையில் அறிமுகமாகும் வாய்ப்பு கிடை த்தது. அதன் பிறகு, கன்னடம், தெலுங்கு, மலையாளம், பஞ்ச பி உள்ளிட்ட பல மொழிகளில் இவர் நடித்துள்ளார்.

தமிழில் 'செந்தட்டி காளை செவத்த காளை' என்ற படத்தில் நடித்திருக்கிறார். ஆனால், இந்த படம் நீண்ட காலமாக இன்னும் ரிலீசாகவிலை. மலையாளத்தில் ஐ லவ் மீ என்ற படத்திலும் நடித்திருக்கிறார் சினிமாவில் கால் பதித்த அவருக்கு சொல்லிக்கொள்ளும் படியான சூப்பர் ஹிட் படங்கள் எதுவும் அமையவில்லை.

இந்நிலையில், மும்பையைச் சேர்ந்த பிரபல தொழிலதிபருக்கும், காதம்பரிக்கும் இடையே நட்பு ஏற்பட்டது. ஒரு கட்டத்தில் காதம்பரியை திருமணம் செய்து கொள்வதாக ஆசை வார்த்தைகள் கூறிய தொழிலதிபர், நடிகையை தன் ஆசைக்கு பயன்படுத்திக் கொண்டதாக தெரிகிறது. ஆனால், காரியம் முடிந்ததும் தொழிலதிபர் கழற்றி விட்டதால் கடுப்பான காதம்பரி, மும்பை போலீசில், அந்த தொழிலதிபர் மீது பாலியல் புகார் கொடுத்திருக்கிறார்.

நடிகை விவகாரத்தில் இருந்து தன்னை காப்பாற்றிக் கொள்ள நினைத்த தொழிலதிபர், ஒய்.எஸ். ஆர். காங்கிரஸ் முக்கியத் தலைவரான குக்கல வித்யாசாகரை சந்தித்து விஷயத்தை சொல்லியிருக்கிறார்.