സ്നേഹ വർണ്ണങ്ങളുടെ ഹോളി

ആർത്തുല്ലസിച്ചു കൊണ്ട് അവർ പരസ്പരം നിറങ്ങൾ വാരി എറിഞ്ഞു

- നാസ്

വസന്തത്തിന്റെ വരവറിയിച്ച് നിറങ്ങളുടെ ഉത്സവമായ ഹോളി സമാഗതമാകുകയാണ്. ശത്രുക്കളെപ്പോലും മിത്രങ്ങളാക്കി മാറ്റുന്ന നിറങ്ങളുടെ ആഘോഷത്തിന് മണ്ണും വിണ്ണും ഒരുങ്ങുമ്പോൾ "മഹിളാരത്നവും ഹൃദയത്തിൽ സ്നേഹ വർണ്ണങ്ങൾ തീർക്കുന്ന നിറങ്ങളുടെ ആഘോഷത്തിൽ പങ്കുചേരുകയാണ്.

ലോക പ്രശസ്തമായ കോവളം കടൽ തീരത്തെ പാറക്കെട്ടുകളിൽ ചിതറിവീഴുന്ന തിരമാലകളിൽ സായാഹ്നസൂര്യന്റെ പൊൻപ്രഭയിൽ തീർത്ത നിറച്ചാർത്തിന്റെ ക്യാൻവാസിൽ പരസ്പരം നിറങ്ങൾ വാരി വിതറിക്കൊണ്ട് മൂന്ന് സുന്ദരികൾ ആർത്തുല്ലസിച്ചു.

നിറങ്ങൾ വാരി വിതറിയുളള ഉത്തരേന്ത്യയിലെ പ്രധാന ആഘോഷങ്ങളിൽ ഒന്നായ ഹോളി ആഘോഷിക്കുന്ന തിരക്കിലാണവർ. ദക്ഷിണേന്ത്യയിലും ജാതി മത വ്യത്യാസമില്ലാതെ ഇന്ന് ഹോളി ആഘോഷിച്ചു തുടങ്ങിയതോടെ ഇന്ത്യയിലെ ഒരു വർണാഭമായ ആഘോഷ മായി ഹോളി മാറിക്കഴിഞ്ഞിരിക്കുകയാണ്.