പ്രേക്ഷകർ തന്നെയാണ് സ്റ്റാർ

സിനിമ എന്നത് ഒരു വലിയ പ്രക്രിയയാണ്

- അപ്പൂസ് കെ.എസ്

25 വർഷക്കാലമായി മലയാളസിനിമയിലെ നിറസ്സാന്നിധ്യമാണ് ലെന. കരിയറിന്റെ ആദ്യത്തെ പത്ത് വർഷങ്ങൾ ലെന അറിയപ്പെട്ടത് ഒരു ദുഃഖപുത്രിയായിട്ടാണ്. പിന്നീടുള്ള പത്തുവർഷങ്ങൾ കരുത്തുറ്റ സ്ത്രീ സാന്നിധ്യമായി. സിനിമയ്ക്കൊപ്പം തന്നെ പ്രായത്തിനെ കവച്ചുവയ്ക്കുന്ന പക്വതയാർന്ന കഥാപാത്രങ്ങൾ ലെനയുടെ കയ്യിൽ ഭദ്രമാണ്. പതിനൊന്നാം ക്ലാസിൽ പഠിക്കുമ്പോൾ സിനിമയിലേക്ക് കടന്നുവന്ന ലെന മലയാളസിനിമയിലും മിനിസ്ക്രീൻ മേഖലയിലും തന്റെ കഴിവുകൾ തെളിയിച്ചു കൊണ്ടേയിരുന്നു. മുതിർന്ന സംവിധായകർക്കൊപ്പവും ന്യൂജനറേഷൻ  ഫിലിം മേക്കേഴ്സിനൊപ്പവും ഒരുമിച്ചു പ്രവർത്തിച്ചിട്ടുള്ള ലെനയ്ക്ക് 2022 ൽ കൈനിറയെ ചിത്രങ്ങൾ.. അഭിനേത്രി എന്നതിലുപരി തിരക്കഥാകൃത്തും സംവിധായികയുമായ താരത്തിന് ആരാധകരും ഏറെയാണ്.

2023 ൽ ലെന സംവിധാനം ചെയ്യുന്ന സിനിമ പ്രതീക്ഷിക്കാമോ? സിനിമ എന്നത് ഒരു വലിയ പ്രക്രിയയാണ്. എന്നെ സംബന്ധിച്ചിടത്തോളം വലിയൊരു ബ്രേക്ക് അതിനാവശ്യമാണ്. ഇപ്പോഴത്തെ അവസ്ഥയിൽ നല്ല കഥാപാത്രങ്ങൾ എന്നെ തേടിയെത്തുന്നുണ്ട്. നല്ല രീതിയിൽ ആക്ടിംഗ് കരിയർ മുന്നോട്ടുപോവുകയാണ്. അതിൽ നിന്ന് വലിയൊരു ബ്രേക്കെടുത്ത് സംവിധാനത്തിലേക്ക് തിരിയുന്നത് തെറ്റായ ചോയിസ് ആണെന്ന് തോന്നുന്നു. അതു കൊണ്ട് 2023 ൽ ഞാൻ സംവിധാനം ചെയ്യുന്ന സിനിമ എന്തായാലും ഉണ്ടാകില്ല. അതിന് കുറച്ച് അധികകാലം കാത്തിരിക്കേണ്ടി വരും.