സ്വയം ചികിത്സ ആപത്ത്

ദന്തസംരക്ഷണം അറിഞ്ഞിരിക്കേണ്ട കാര്യങ്ങൾ

- എൻ.സി.

ജീവിതകാലം മുഴുവൻ നമുക്ക് ആരോഗ്യമുള്ള വസ്തുവാണ് പല്ലുകൾ. അത് സംരക്ഷിക്കപ്പെടേണ്ടതാണ്. ദന്തസംരക്ഷണത്തെക്കുറിച്ച് മഹിളാരത്നം വായനക്കാർ അറിഞ്ഞിരിക്കേണ്ട ചില കാര്യങ്ങളെ ക്കുറിച്ച് സംസാരിക്കുകയാണ് മലബാറിലെ അറിയപ്പെടുന്ന ദന്തഡോക്ടർമാരായ മുസവിർ കോട്ടക്കലും ഭാര്യ യുനീബയും.

വീട്ടിൽ നിന്നുതന്നെ തുടങ്ങാം

2012 ലായിരുന്നു ഞങ്ങളുടെ വിവാഹം. കോയമ്പത്തൂരിലെ ബി.ഡി.എസ് പഠനകാലത്തെ പരിചയമാണ് വിവാഹത്തിൽ എത്തിയത്. ഡോക്ടർ മുസവിർ പറഞ്ഞുതുടങ്ങിയപ്പോൾ ഡോക്ടർ യുനീബയും മക്കളായ അയാൻ മുഹമ്മദും ആഹിൽ അഹമ്മദും അർമാൻ അസം മുഹമ്മദും ഡോക്ടറുടെ അടുത്തേയ്ക്ക് വന്നു.

കുഞ്ഞുങ്ങളിൽ ആദ്യപല്ല് വന്നുതുടങ്ങുന്നത് മുതൽ ദന്തസംരക്ഷണം ആരംഭിക്കേണ്ടതാണ്. പല്ല് വരുന്നതിന് മുമ്പ് വൃത്തിയായ വൃത്തിയായ തുണികൊണ്ട് കുഞ്ഞുങ്ങളുടെ മോണ് വൃത്തിയായി സൂക്ഷിക്കണം. ഭക്ഷണശേഷം വായ വൃത്തിയാക്കാനും ദിവസത്തിൽ രണ്ടുതവണ ബ്രഷ് ചെയ്യാനും അവരെ ശീലിപ്പിക്കുക. മുതിർന്നവർ അത് വീട്ടിൽ കൃത്യമായി ചെയ്താൽ കുട്ടികളും അത് പഠിച്ചുതുടങ്ങും. നമ്മളാണ് അവർക്ക് മാതൃകയാകേണ്ടത്.

2014 ലാണ് ഞങ്ങൾ വീടിനടുത്തുള്ള പുതുപ്പറബിൽ ആദ്യമായി ക്ലിനിക്ക് തുടങ്ങുന്നത്. ഇപ്പോൾ മലപ്പുറം ജില്ലയിലെ വിവിധ ഭാഗങ്ങളിലായി 10 ക്ലിനിക്കുകളുണ്ട്. ഞാനും ഡോക്ടറും പിന്നെ സുഹൃത്തുക്കളായ ഡോക്ടർ ഫൈസലും ഡോ. അനീസും കൂടെയുണ്ട്. ഡോ. യുനീബ് പറഞ്ഞു.