രണ്ട് കുഞ്ഞുങ്ങൾക്ക് ഒരേസമയത്ത് മുലപ്പാൽ കൊടുക്കുമ്പോൾ...

രണ്ട് കുട്ടികൾക്കും പാലൂട്ടാൻ ആ അമ്മ ആരോഗ്യവതിയുമായിരിക്കണം. നേരത്തെ അമ്മയ്ക്ക് വിളർച്ചയുണ്ടങ്കിൽ രണ്ട് കുട്ടികൾക്കും പാലൂട്ടുകയെന്നത് അസാധ്യമാണ്.

- എ.കെ

മുലപ്പാലാണ് ഒരു അമ്മ തന്റെ കുട്ടിക്ക് നൽകുന്ന ആദ്യത്തെ അമൃതാഹാരം. കുഞ്ഞിന് നൽകുന്ന ആദ്യത്തെ പ്രതിരോധ ഔഷധവും അതു തന്നെ. മുലപ്പാലിന്റെ മഹത്വത്തെക്കുറിച്ചും അതിന്റെ ഗുണങ്ങളെക്കുറിച്ചും നമ്മൾ വാചാലരാകാറുണ്ട്. എന്നാൽ മുലപ്പാൽ നൽകുന്നതിലുള്ള വെല്ലുവിളികളെ കുറിച്ച് നമ്മൾ സംസാരിക്കാറില്ല. ഒരു കുഞ്ഞിന് മുലപ്പാൽ കൊടുത്തുകൊണ്ടിരിക്കുമ്പോൾ തന്നെ അടുത്ത കുഞ്ഞും ജനിച്ചാൽ ആ അമ്മ എന്തുചെയ്യും. സാധാരണയായി രണ്ടാമത്തെ കുഞ്ഞ് ജനിച്ചാൽ ആദ്യത്തെ കുഞ്ഞ് മുലപ്പാൽ കുടിക്കുന്നത് മാറ്റാൻ പ്രേരിപ്പിക്കണമെന്ന് മുതിർന്നവർ പറയാറുണ്ട്. ആദ്യത്തെ പകുതി പാലൂട്ടുന്നത് അമ്മമാർ നിർത്തുവാൻ ആഗ്രഹിക്കാത്ത സന്ദർഭത്തിലും, കട്ടിയുള്ള ആഹാരങ്ങൾ കഴിച്ച് ശീലിച്ചു തുടങ്ങിയ ശേഷവും കുഞ്ഞ് മുലപ്പാൽ തന്നെ വേണമെന്ന് ആഗ്രഹിക്കുന്നുവെങ്കിലും പാലൂട്ടാം എന്നു പറയുന്നു ഡോക്ടർമാർ.

ഒരേസമയം രണ്ടു വെവ്വേറെ പ്രായത്തിലുള്ള കുഞ്ഞുങ്ങൾക്ക് പാലൂട്ടുന്നതിനെ ടാനം നഴ്സിംഗ് (Tandem Nursing)എന്നുപറയുന്നു. ഇതിനെക്കുറിച്ച്വി ശദീകരിക്കുകയാണ് ചെന്നൈ ബ്രസ്റ്റ് ഫീഡിംഗ് കൺസൾട്ടന്റായ ഡോ. ജയശ്രീ കൃഷ്ണൻ.