സ്ത്രീകൾക്ക് അവരുടേതായ ഐഡന്റിറ്റി വേണം

നർത്തകിയും കൊറിയോഗ്രാഫറും, സോഷ്യൽ മീഡിയ താരവുമായ രഞ്ജിനി തോമസ് മനസ്സ് തുറക്കുന്നു

- രജനി കൃഷ്ണ

ആകാശവാണിയിൽ വയലിൻ ആർട്ടിസ്റ്റായിരുന്ന അമ്മ ശ്രീമതി ലളിതയുടെയും, മൃദംഗം ആർട്ടിസ്റ്റായ അച്ഛൻ ശ്രീ. ഹരിയുടെയും സ്വാധീനം ആണ് നൃത്തത്തിലേക്കുള്ള ആദ്യത്തെ പടി. എന്നാൽ, നർത്തകിയാവണം എന്ന ആഗ്രഹം വളരെ കാര്യമായി ഒന്നും അന്ന് എടുത്തിരുന്നില്ല. പിന്നീടാണ് സ്വന്തം കഴിവിന്റെ സാധ്യതകളും, അതുകൊണ്ടുള്ള ശാരീരികവും, മാനസികവുമായ ഗുണങ്ങളെപ്പറ്റി മനസ്സിലാക്കുന്നതും, നൃത്തം പഠിപ്പിക്കാൻ സ്വന്തമായി ഒരു ഇടം വേണം എന്ന ചിന്തയിലേക്ക് എത്തിച്ചേരുന്നതും. അങ്ങനെ ആണ് കാക്കനാട്ട് സ്വന്തമായി ക്ഷേത്ര എന്ന പേരിൽ ഒരു ഡാൻസ് സ്ക്കൂൾ തുടങ്ങുന്നത്. വളരെ ചുരുക്കം കുട്ടികളെ വച്ച് തുടങ്ങിയ ഡാൻസ് സ്ക്കൂളിൽ ഇന്ന് ഇരുന്നു റോളം വിദ്യാർത്ഥികൾ ഉണ്ട്. ഡാൻസ് പഠിപ്പിക്കലും സ്റ്റേജ് ഷോകളും, കൊറിയോഗ്രാഫിയും സോഷ്യൽ മീഡിയ ജീവിതവും യാത്രകളും അങ്ങനെ എല്ലാം കൊണ്ടും ജീവിതം തിരക്കിട്ടതാണ്!!

എന്റെ തുടക്കം സ്ത്രീകൾക്കുവേണ്ടി

വളരെ ലേറ്റായിട്ടാണ് ഞാൻ ഡാൻസ് ഒരു കരിയറായി തെരഞ്ഞെടുക്കുന്നത്. അന്ന് എല്ലാ സ്ത്രീകളെയുംപോലെ എനിക്കും, ഇതൊക്കെ പറ്റുമോ, എന്റെ ശരീരം അതിന് തയ്യാറാണോ എന്നുള്ള ചിന്തകളൊക്കെ മനസ്സിലേക്ക് ഓടിയെത്തിയിരുന്നു. പിന്നീടാണ് ഓർത്തത്, ഇതേ ചിന്താഗതി കൊണ്ട് പാഷൻ വേണ്ടെന്നു വെച്ച അനേകം സ്ത്രീകൾ നമുക്ക് ചുറ്റുമുണ്ടാകും എന്ന്. എന്തുകൊണ്ട് അവർക്കു വേണ്ടി ഞാൻ ചുവടുവച്ചു കൂടാ എന്നുകരുതി. അതു കൊണ്ടുതന്നെ ഡാൻസ് സ്ക്കൂൾ തുടങ്ങിയപ്പോൾ, എന്റെ ഫോക്കസ് സ്ത്രീകളിലായിരിക്കുന്നു. പലപ്പോഴും സ്ത്രീകളെ അവരുടെ ഇഷ്ടങ്ങളിൽനിന്ന് അകലം പാലി ക്കാൻ പ്രേരിപ്പിക്കുന്നത് കുടുംബപ്രാരാബ്ധങ്ങളും, കുട്ടികളെ നോക്കലും, ശാരീരിക ബുദ്ധിമുട്ടുകളും, സ്വന്തം ഇൻസെക്യൂരിറ്റീസും, മറ്റുള്ളവർ സമ്മതം മൂളാൻ വേണ്ടി കാത്തുനിൽക്കുന്നത് കൊണ്ടുമൊക്കെയാണ്. അവരോടെനിക്ക് പറയാനുള്ളത്, നമ്മുടെ ജീവിതം, നമ്മുടെ ചോയ്സ് ആണ് ആൻഡ്, ഇറ്റ് ഈസ് നോട്ട് റ്റു ലേറ്റ് ടു സ്റ്റാർട്ട് എനിതിങ്!!

സോഷ്യൽമീഡിയ തന്ന കയ്യടികൾ