പച്ചക്കറികൾ ഫ്രിഡ്ജിൽ സൂക്ഷിക്കാമോ?

ഫ്രിഡ്ജിൽ വെച്ച് സൂക്ഷിക്കാൻ പാടില്ലാത്ത ചില സാധനങ്ങളെക്കുറിച്ചും അവ സൂക്ഷിക്കുന്നതു കൊണ്ടുള്ള ദോഷങ്ങളെക്കുറിച്ചും...

- പ്രീതാ അജയൻ

ഓരോ വസ്തുവിനേയും പാകപ്പെടുത്തി, സൂക്ഷിച്ച് വെച്ച് ദീർഘനാൾ ഉപയോഗിക്കുന്നതിനായി കണ്ടുപിടിച്ച ഉപകരണമാണ് ഫ്രിഡ്ജ്. എന്നാൽ പച്ചക്കറികൾ, പഴ വർഗ്ഗങ്ങൾ, പിസാ, ചോക്ലേറ്റുകൾ, മത്സ്യമാംസാദികൾ എന്നിവയാണ് നമ്മൾ അതിനകത്ത് അടുക്കി വയ്ക്കുന്നത്. ഫ്രിഡ്ജിനകത്ത് സ്ഥലം ധാരാളമുണ്ട് എന്നുകരുതി അതിനകത്ത് ഇത്തരം സാധനങ്ങൾ കുത്തിനിറയ്ക്കുന്നത് നല്ലതല്ല. പലർക്കും ഇതിനെക്കുറിച്ചുള്ള ബോധവൽക്കരണമില്ലാ എന്ന താണ് വാസ്തവം. ഏതൊക്കെ സാധനങ്ങൾ എത്രദിവസം ഫ്രിഡ്ജിൽ സൂക്ഷിച്ചു വയ്ക്കാം എന്നറിയാതെ ആ സാധനങ്ങളേയും നശിപ്പിച്ച് നമ്മുടെ ആരോഗ്യത്തേയും നശിപ്പിച്ചു കൊണ്ടിരിക്കയാണ് നമ്മൾ. ഫ്രിഡ്ജിൽ വെച്ച് സൂക്ഷിക്കാൻ പാടില്ലാത്ത ചില സാധനങ്ങളെക്കുറിച്ചും അവ സൂക്ഷിക്കുന്നതു കൊണ്ടുള്ള ദോഷങ്ങളെക്കുറിച്ചും...

പച്ചമുളക്- പച്ചമുളക് ഫ്രിഡ്ജിൽ സൂക്ഷി ക്കാൻ പാടില്ല. ഫ്രിഡ്ജിന്റെ അമിതമായ തണുപ്പ് മുളക് അഴുകിപ്പോകാൻ കാരണമാവുന്നു. സാധാര ണമായ അന്തരീക്ഷത്തിൽ ഇത് പുറത്തുതന്നെ വയ്ക്കുന്നതാണ് ഉചിതം.

വെള്ളുള്ളി- ഇത് ഫ്രിഡ്ജിൽ വെച്ചാൽ രുചി കുറയും. വെള്ളുള്ളിയും പച്ചമുളകിനെപ്പോലെ തന്നെ പുറത്തുവെച്ച് സൂക്ഷിക്കേണ്ട വസ്തുവാണ് .