இசைக் கலைஞர்களுக்கு தளராத மனம் வேண்டும்! பரதநாட்டியக் கலைஞர் கலா ஸ்ரீனிவாசன்

சண்முகா ஆர்ட்ஸ் எனும் அமைப்பை கடந்த 15 ஆண்டு களாக நடத்தி வருபவரும், உலக நடன தினத்தன்று தன்னுடைய 23 மாணாக்கர்களை வைத்து நடனமாடச் செய்து India Book; Asia Book; World Book ஆகிய மூன்று புத்தகங்களில் இடம்பெறச் செய்தவரும், செட்டாநகர் திருமுருகன் கோவிலில் 50 வருட காலத்துக்கும் மேலாக செயலாளராகவும் பணிபுரிந்து வரும் முருக பக்தர் பி. எஸ். சுப்பிரமணியம் அவர்களின் புதல்வியுமாகிய திருமதி கலா ஸ்ரீனிவாசன், பெண்மணிக்கு அளித்த பேட்டி:

- 

தங்களைப் பற்றி கூறுங்கள்...

கலாச்சாரத்தையும், மதத்தையும் வெகுவாக மதித்து பின்பற்றும் குடும்பம் எங்களுடையது. என் தந்தையார் பி.எஸ்.சுப்பிரமணியம், தாயார் மகாலெஷ்மி சுப்பிரமணியம் இருவரும் கேரளாவைச் சேர்ந்தவர்கள். ஆனால் நான் பிறந்தது மும்பை. ஆரம்ப நாட்களில் இருந்தே எங்களுடைய தாத்தா - பாட்டியுடன் சேர்ந்து கூட்டுக் குடும்பமாகத்தான் வாழ்க்கை தொடர்ந்தது. தாயாருக்கு சங்கீதம், பரதநாட்டியம் போன்றவைகளில் மிகவும் விருப்பம் இருந்ததால், எனக்கு கலா என்று பெயர் சூட்டினர். மேலும், அவர்தான் என்னை பரதநாட்டியம் பயிலத்தூண்டியவர்.

எனக்கு 5 வயது இருக்கையில், எங்களது பக்கத்து அடுக்குமாடி ஒன்றில் பரதநாட்டிய வகுப்பொன்று ஆரம்பித்து இருப்பது அறிந்து அங்கே என்னை சேர்த்துவிட்டார். அன்றும் இன்றும் எனது நடன குருவாக விளங்குபவர் திருமதி ஜெயஸ்ரீ நாயர் ஆவார்.

நாட்டிய வகுப்பு பிடித்து இருந்ததா...?