எவ்வளவு நேரம் தூங்க வேண்டும்..?

தூக்கம் ஒரு அத்தியாவசிய உடலியல் செயல்பாடு. ஒவ்வொரு மனிதனுக்கும் ஆரோக்கியமான வாழ்க்கைக்கும் நீண்ட ஆயுளுக்கும் போதுமான தூக்கம் தேவை என்பதை மறுக்க முடியாது. ஆனால் எத்தனை மணி நேரத் தூக்கம் போதுமானதாக கருதப்படுகிறது. 

வயதுக்கு ஏற்ப தூக்க நேரம் என்ன? என்பது பலருக்கும் தெரிவதில்லை.

நீங்கள் அதிகமாக தூங்குகிறீர்களா? அதனால் எந்த பாதிப்பும் வராதா..? அதிகமான தூக்கம் அல்லது மிகக் குறைந்த தூக்கம் பெரும்பாலும் உடல் நோய்க்கான அறிகுறியாகும். நீங்கள் இவை இரண்டையும் செய்வதில்லை என்றாலும் உங்கள் வயதுக்கு எத்தனை மணி நேரம் தூங்க வேண்டும் என்பதைத் தெரிந்துகொள்வது அவசியம்.

பொதுவாக, சிறிய குழந்தைகள் பெரியவர்களை விட அதிகமாகத் தூங்குகிறார்கள். பின் வயது ஏற ஏற தூக்க நேரம் குறையும். இது வாழ்க்கை முறை மாற்றங்களால் ஏற்படலாம் என மருத்துவர்கள் கூறுகின்றனர்.