ഒന്നു ശ്രദ്ധിക്കണേ ഈ നിറംമാറ്റം

 വിവിധ കാരണങ്ങളാൽ മൂത്രത്തിനു നിറം മാറ്റം സംഭവിക്കാം. കൃത്യമായ പരിശോധനകളിലൂടെ കാരണം കണ്ടെത്തുകയാണ് പ്രധാനം

- ഡോ.സുനിൽ മൂത്തേടത്ത് പ്രഫസർ, അമൃത കോളജ് ഓഫ് നഴ്സിങ്, കൊച്ചി

ചില പ്രത്യേക ഭക്ഷ്യവസ്തുക്കളും മരുന്നും ഒക്കെ കഴിക്കുമ്പോൾ മൂത്രത്തിനു നിറവ്യത്യാസം ഉണ്ടാകുന്നതു ശ്രദ്ധിച്ചിട്ടില്ലേ? ചിലപ്പോൾ മഞ്ഞ, അല്ലെങ്കിൽ കടുംമഞ്ഞയോ ചുവപ്പോ. ഇതു സാധാരണമാണ്. ഏറെ നേരത്തിനു ശേഷമാണ് മൂത്രമൊഴിക്കുന്നതെങ്കിലും നിറം മാറ്റം കണ്ടുവരാറുണ്ട്.

എന്നാൽ ഭക്ഷ്യവസ്തുവും മരുന്നും നിർത്തി ദിവസങ്ങൾക്കു ശേഷവും മൂത്രത്തിന് സാധാരണ നിറം വന്നില്ലെങ്കിൽ തീർച്ചയായും സൂക്ഷിക്കണം. മൂത്രത്തിൽ രക്തത്തിന്റെ അംശം ഉണ്ടോയെന്നു പരിശോധിക്കാൻ മടിക്കരുത്.

രോഗാവസ്ഥയാണോ?

മൂത്രത്തിലെ രക്തത്തിന്റെ അംശം നേരിട്ട് കണ്ട് മനസ്സിലാക്കാൻ സാധിക്കുന്നുവെങ്കിൽ അതിനെ ഗ്രാസ് ഹൈമച്യൂറിയ (Gross Hematuria) എന്നും ലബോറട്ടറി പരിശോധനയിലൂടെ മാത്രം മനസ്സിലാക്കാൻ സാധിക്കുന്നതാണെങ്കിൽ മൈക്രോസ്കോപിക് ഹെമറിയ (Microscopic Hematuria) എന്നും പറയും.

രോഗാവസ്ഥ ഏതു തരത്തിൽ പെട്ടതായാലും കാരണങ്ങൾ പലതാണ്. കൃത്യമായ പരിശോധനകളിലൂടെ രോഗ നിർണയത്തിലെത്തണം. പിങ്ക്, ചുവപ്പ് അഥവാ കോളയുടെയോ കട്ടൻ കാപ്പിയുടെയോ നിറത്തിൽ മൂത്രം പോകുന്നതാണ് ഗ്രാസ് ഹൈമച്യൂറിയയുടെ ലക്ഷണം. ആന്തരിക രക്തസ്രാവം മൂലം ധാരാളം ചുവന്ന രക്താണുക്കൾ (RBC) മൂത്രത്തിൽ കലരുന്നതുകൊണ്ടാണിത്. മിക്കപ്പോഴും ഈ അവസ്ഥയിൽ വേദന ഉണ്ടാകാറില്ല.

എന്നാൽ മൂത്രത്തിൽ രക്തക്കട്ടകളുണ്ടെങ്കിൽ വേദന അനുഭവപ്പെടും. രക്തം കലർന്ന മൂത്രം പോകുന്നതിനോടൊപ്പം മറ്റു രോഗലക്ഷണങ്ങൾ ഉണ്ടാകാം. ചിലപ്പോൾ രോഗലക്ഷണങ്ങളില്ലാതെയും ഇത് സംഭവിക്കാം.

എന്തുകൊണ്ട് മൂത്രത്തിൽ രക്തം?

മൂത്രത്തിൽ രക്തം കാണപ്പെടാനുളള പ്രധാന കാരണങ്ങൾ ചുവടെ.